روسی صدر ولاديمير پوٹن نے سابق سوويت رہنما ميخائل گورباچوف کی وفات پر افسوس کا اظہار کيا۔ ان کی جانب سے يہ تعزيتی پيغام منگل تيس اگست کی شب جاری کيا گيا۔ پوٹن کے ترجمان کے مطابق روسی صدر بدھ کو ٹيلی گرام کے ذريعے گورباچوف کے اہل خانہ اور دوست احباب کو تفصيلی پيغام ارسال کريں گے۔

امريکی صدر جو بائيڈن نے کہا، ’’ميخائل گورباچوف ايک دور انديش انسان تھے۔ سابق سوويت يونين کے رہنما کے طور پر انہوں نے امريکی صدر رونلڈ ريگن کے ساتھ مل کر دونوں ممالک کے جوہری ہتھياروں ميں کمی لانے کے ليے کام کيا۔ کئی سال کی ظالمانہ سياسی جارحيت کے بعد انہوں نے جمہوری اصلاحات کو تسليم کيا۔ اس کا نتيجہ کئی ملين لوگوں کے ليے ايک زيادہ پر امن اور آزاد دنيا کے شکل ميں نکلا۔‘‘

اقوام متحدہ کے سيکرٹری جنرل انٹونيو گوٹيرش نے سوويت صدر کو ان الفاظ ميں خراج تحسين پيش کيا، ’’ميں ميخائل گورباچوف کے گزر جانے کی خبر پر کافی رنجيدہ ہوں۔ وہ اپنی طرز کے ايک رہنما تھے، جنہوں نے تاريخ کا دھارا بدلا تھا۔ سرد جنگ کے پر امن خاتمے کے ليے انہوں نے بہت کچھ کيا۔ دنيا آج ايک کثير الجہتی سوچ کے حامل اور امن کے ليے انتھک محنت کرنے والے عالمی رہنما سے محروم ہو گئی ہے۔‘‘

يورپی کميشن کی صدر ارزولا فان ڈيئر لائن نے کہا، ’’ميخائل گورباچوف ايک ايسے رہنما تھے، جن پر لوگوں کو اعتماد تھا اور وہ ان کا احترام کرتے تھے۔ انہوں نے سرد جنگ کے خاتمے کے ليے کليدی کردار ادا کيا تھا۔ اسی سے ايک آزاد يورپ کے قيام کی راہ ہموار ہوئی۔ ان کی يہ ميراث کبھی نہيں بھلائی جائے گی۔‘‘

’’ریگن فاؤنڈیشن اور انسٹی ٹیوٹ سوويت ليڈر ميخائل گورباچوف کی وفات پر سوگوار ہے۔ گورباچوف امریکی صدر ریگن کے سیاسی مخالف تھے، جو بعدازاں ایک دوست بن گئے۔ ہمارے خیالات اور دعائیں گورباچوف کے خاندان اور روس کے لوگوں کے ساتھ ہيں۔‘‘

برطانوی وزير اعظم بورس جانسن نے کہا، ’’سرد جنگ کو پر امن طريقے سے خاتمے تک پہنچانے کے ليے ان کی بہادری اور دیانت داری کی میں نے ہمیشہ تعریف کی ہے۔ ايک ايسے وقت پر جب يوکرين کے خلاف پوٹن کی جارحیت جاری ہے، سوويت معاشرے کو تبديل کرنے ميں گورباچوف کا عزم اور کوششيں ہم سب کے لیے ایک مثال ہيں۔‘‘

جاپانی وزیر اعظم نے کہا ہے، ’’سوویت یونین کے سپریم لیڈر کے طور پر گورباچوف نے دوسری عالمی جنگ کے بعد ايک منقسم يورپ کو قريب لانے اور مشرق و مغرب کے مابين تناؤ کم کرنے ميں اہم کردار ادا کيا۔ جوہری ہتھیاروں کے خاتمے کی حمایت کر کے وہ ايک روايت چھوڑ گئے ہيں، جو کہ ايک بہت بڑا کارنامہ ہے۔‘‘

آسٹریلوی وزیر اعظم انتھونی البانیس کا کہنا ہے، ’’میخائل گورباچوف گرم جوش ہونے کے ساتھ ساتھ امید، عزم اور ہمت سے بھرے انسان تھے۔ ایک ایسی دنیا میں، جو منقسم تھی، وہ تعاون اور اتحاد کے حامی تھے۔ ان کی موت کے ساتھ ہم نے بيسوی صدی کا ايک با اثر رہنما کھو ديا ہے۔‘‘