ناروے پر ماحولیات کے حوالے سے دوہری پالیسی اپنانے کا الزام عائد کیا گیا ہے۔ ناقدین کے مطابق اس ملک کی حکومت ملک کے اندر صفائی اور بحر منجمد شمالی کو پراگندہ کر رہا ہے۔
پیرس کلائمیٹ ڈیل کے بعد ناروے کی حکومت نے کاربن کے اخراج کو کم کرنے کے حوالے سے عالمی سطح پر خاصی آواز بلند کی تھی اور اب اسی ملک کی حکومت بحر منجمد شمالی میں تیل اور گیس کی تلاش کرنے کے مزید پلانٹس قائم کرنے کی منصوبہ بندی کر رہی ہے۔ ناقدین کا خیال ہے کہ اگر توسیع کا سلسلہ جاری رہا تو یہ یقینی طور پر پیرس ڈیل کا مذاق اور اس کے منافی اقدام ہو گا۔
تجزیہ کاروں کا یہ بھی کہنا ہے کہ اقوام متحدہ کی سالانہ ماحولیاتی کانفرنسوں میں ناروے کو اپنے ملک میں جاری پالیسیوں کی بنیاد پر خاصا پسند کیا جاتا تھا لیکن منجمد براعظم میں تیل اور گیس کے حصول کے پلانٹس اور تلاش کے عمل میں توسیع کو اُس کے ماحول دوست ہونے کے منفی عزائم سے تعبیر کیا گیا ہے۔
ناروے نے اعلان کر رکھا ہے کہ ملک میں سن 2030 میں کاربن اخراج زیرو سطح پر پہنچا دیا جائے گا۔
اروے ان پلانٹس کی وجہ سے دنیا کا پندرہواں بڑا گیس سپلائی کرنے والا ملک ہےتصویر: Reuters/N.Adomaitis
امریکی ادارے کی رپورٹ کے لیے تفصیلات ’فرینڈز آف ناروے نامی تنظیم نے فراہم کی تھیں۔ اس ادارے سے منسلک سیلییا اسک لُنڈبیرگ کا کہنا ہے کہ یہ ملک اپنے جغرافیائی حدود میں زمین سے حاصل ہونے والے ایندھن کے استعمال میں کمی ضرور لا رہا ہے لیکن آرکٹک میں ہر پلانٹ کے قیام کی اجازت حقیقت میں پیرس کلائمیٹ ڈیل کے منافی ہے۔
ناروے کی آرکٹک میں تیل اور گیس تلاش کرنے کی پلاننگ اور پہلے سے قائم پروڈکشن ہاؤسز کی تفصیلات امریکی دارالحکومت میں قائم ریسرچ ادارے آئل چین انٹرنیشنل نے جاری کی ہیں۔ اس ادارے نے ناروے کو اپنے رپورٹ کو غلط ثابت کرنے کا چیلنج بھی کیا ہے۔ ادارے کے مطابق اوسلو حکومت آرکٹک کے شمالی سمندری علاقے میں جو تیل تلاش کے عمل کو وسعت دے رہی ہے، اور یہ ملک کے اندر کاربن اخراج کے مقابلے میں دس گنا زیادہ ہے۔ ناروے ان پلانٹس کی وجہ سے دنیا کا پندرہواں بڑا گیس سپلائی کرنے والا ملک ہے۔
جرمنی میں آخری رسومات کا انتظام کرنے والی کمپنیوں نے تحفظِ ماحول کا خیال رکھتے ہوئے نئے طریقے متعارف کرائے ہیں۔ اب ایسے تابوت تیار کیے جا رہے ہیں، جو ماحول کو نقصان پہنچائے بغیر فوری طور پر قدرتی نظام کا حصہ بن جاتے ہیں۔
تصویر: ARKA Ecopod
بید سے بنا تابوت
جسے روایتی تابوت کی بناوٹ پسند نہ ہو وہ اپنی زندگی میں ہی اپنی لیے بید سے بُنے تابوت کا انتخاب کر سکتا ہے۔ اس تابوت کی بُنائی کا کھلنا آسان ہوتا ہے اور اس کے اندر لگے کپڑے کو الگ کرنا بھی مشکل نہیں ہے۔ اس کے علاوہ بید کا درخت بہت تیزی سے بھی بڑھتا ہے۔ اس انداز میں تدفین کے خواہش مند افراد کے بارے میں کہا جاسکتا ہے کہ وہ مرنے کے بعد بھی ماحول دوست ہی رہے۔
تصویر: Passages International, Inc.
کفن
ہزاروں سالوں سے مردوں کو کپڑے میں لپیٹ کر دفنانے کا سلسلہ چلا آ رہا ہے۔ یورپ میں ابھی تک لوگ مردوں کو دفنانے کا یہ طریقہ استعمال کرتے ہیں۔ جو لوگ یہ سمجھتے ہیں کہ تدفین کا یہ انداز کم خرچ ہے، وہ غلطی پر ہیں کیونکہ کفن کے کپڑے کی قیمت ایک ہزار ڈالر تک بھی ہوتی ہے۔
تصویر: Gordon Tulley, Respect Funeral Services
اخباری کاغذ سے تیار کردہ تابوت
یہ بات بالکل بھی دلفریب نہیں لگتی کہ کوئی شخص اپنا آخری سفر اخبار کے دوبارہ کارآمد بنائے گئے صفحات میں طے کرے۔ اب اخبارات کے صفحات کو بھی خوبصورت تابوتوں کی شکل دی جانے لگی ہے۔ اگر کسی کو یہ ناپسند ہوں تو تابوت سونے کا بھی بنوایا جا سکتا ہے۔ آخر کار مرتا تو انسان صرف ایک ہی بار ہے۔
تصویر: ARKA Ecopod
کم وزن اور ہلکا پھلکا
اخبارات کے صفحات سے بنائے گئے تابوتوں کا وزن نہ ہونے کے برابر ہوتا ہے۔ دفنانے کے بعد یہ بہت جلد ہی مٹی کا حصہ بن جاتے ہیں، جو قبرستان کے قدرتی ماحول کے لیے بہت ہی سازگار ہوتا ہے۔
تصویر: ARKA Ecopod
اخبار سے بنایا گیا مصری راکھ دان
اخبارات سے تیار کردہ راکھ دان بھی اُسی کمپنی کی اختراع ہیں، جس نے اخباری کاغذ سے بنائے گئے تابوت متعارف کرائے ہیں۔ ڈیزائنر ہَیزل سیلینا کا کہنا ہے کہ قدیم مصر میں تجہیز و تکفین کی رسومات نے اُنہیں بہت متاثر کیا اور اخبارات سے راکھ دان بنانے کا خیال بھی اُن کے ذہن میں اِنہی مصری روایات کی وجہ سے آیا۔
تصویر: ARKA Ecopod
درخت کی طرح کا راکھ دان
مختلف شکلوں کے راکھ دان بنانے والی مختلف کمپنیوں نے ایک قدم آگے بڑھتے ہوئے ایسے برتن بھی بنائے ہیں، جن میں کھاد اور بیج بھی موجود ہوتے ہیں۔ سِرامک کا بنا اِس برتن کا ڈھکن اُس وقت ٹوٹ جاتا ہے، جب پودہ زمین سے اُبھرنا شروع کرتا ہے۔
تصویر: Spíritree
زیرِ آب راکھ دان
اپنی راکھ کے سمندر برُد کیے جانے کی خواہش رکھنے والے افراد کے لیے کاغذ سے بنا ہوا یہ خصوصی برتن تیار کیا گیا ہے۔ مرنے والے کے لواحقین اِس برتن پر نقش و نگار بھی بنا سکتے ہیں اور اپنے آخری پیغامات بھی اِس میں ڈال سکتے ہیں۔
تصویر: Passages International, Inc.
انسانی درخت
اس تھیلے میں لاش کو بالکل اُسی طرح سے رکھا جاتا ہے، جس طرح بچہ ماہ کے پیٹ میں ہوتا ہے۔ یہ تصور ایک اطالوی ڈیزائنر نے پیش کیا۔ اس میں لاش ایک درخت کی غذا بنتی ہے۔ اطالوی حکومت نے ابھی تک مُردوں کو اس طرح سے ’دفنانے‘ کی اجازت نہیں دی اور اسے ’مستقبل کا ڈیزائن‘ قرار دیا جا رہا ہے۔