ہر سال کیڑے مار ادویات کے سنگین زہریلے اثرات تین سو پچاسی ملین افراد میں رپورٹ کیے جاتے ہیں۔ ایسے متاثرہ افراد کی کثیر تعداد ایشیا، افریقہ اور لاطینی امریکا میں پائی جاتی ہے۔ کھیتوں میں کام کرنے والے مزدور حفاظتی کپڑوں کا بھی استعمال نہیں کرتے اور انہیں کیڑے مار ادویات کے زہریلے ہونے کے بارے میں مناسب معلومات بھی فراہم نہیں کی جاتی ہیں۔

کیڑے مار ادویات کی وجہ سے لاطینی امریکی ملک نکاراگوا کے ایک شہر چیچی گالپا کے زیادہ تر مرد گردوں کی بیماریوں کا شکار ہو چکے ہیں۔ یہ مرد گنے کے کھیتوں میں کام کرتے ہیں۔ چیچی گالپا کو فراہم کیے جانے والے پانی میں کیڑے مار ادویات کے زہریلی اثرات پائے گئے ہیں۔ اس پانی کی وجہ سے خوراک بھی زہر آلودہ ہو چکی ہے۔ ایسے علاقوں میں مختلف بیماریوں بشمول کینسر کے پھیلنے کا پتہ چلا ہے۔

کیڑے مار ادویات کا اسپرے فصلوں کو نقصان پہنچانے والے کیڑوں اور غیر ضروری جڑی بوٹیوں کو ختم کرنے کے لیے کیا جاتا ہے۔ ایسے زہریلے اسپرے درختوں اور پودوں کی افزائش یا زرخیزی کے عمل کو بھی متاثر کر رہے ہیں۔ خطرناک کیڑوں کے ساتھ ساتھ زرخیزی کے عمل کا حصہ بننے والے کیڑے بھی ہلاک ہو رہے ہیں۔

سائنسدانوں نے دریافت کیا ہے کہ کیلوں پر کیے جانے والے اسپرے سے حیاتیاتی تنوع پر منفی اثرات مرتب ہو رہے ہیں۔ چمگادڑوں کے نظام انہضام کو مشکلات کا سامنا ہے۔ اور بھی کئی جانوروں میں، ان مائیکروبس میں کمی واقع ہوئی ہے، جو ہاضمے کو تقویت دیتے ہیں۔ یہ مثبت مائکروبیاٹا انسانوں اور جانوروں کی صحت کے لیے اہم خیال کیے جاتے ہیں۔

یورپی ممالک کے مقابلے میں بھارت کے کسان کیڑے مار اسپرے کے استعمال میں حفاظتی اقدامات سے ناواقف ہیں۔ یورپی یونین میں انتہائی زہریلی کیڑے مار ادویات کے استعمال پر پابندی عائد ہے۔ اس مناسبت سے کئی ممالک زہریلی کیڑے مار ادویات پر پابندی کا مطالبہ کر رہے ہیں۔

آرگینیک ایگریکلچر یا کیمیاوی کھادوں اور ادویات کے استعمال کے بغیر والی زراعت مقبول ہو رہی ہے۔ ایسے آرگینیک کھیتوں پر کیمیاوی اسپرے کا استعمال ممنوع ہے۔ ان کھیتوں کی زرخیزی کو بحال رکھنے کے لیے ان میں کاشت وقفے سے کی جاتی ہے۔ اس تصویر میں نیپالی خواتین جڑی بوٹیوں اور گائے کے پیشاب سے تیار کردہ ایک اسپرے استعمال کر رہی ہیں۔

سن 2050 تک زمین کی آبادی پچاس ارب تک ہو سکتی ہے اور خوراک کی فراہمی ایک مشکل چیلنج ہو گا۔ زمین کے بعض حصے شدید بارشوں سے زیادہ نم زدہ ہیں جب کہ کچھ اور علاقے خشک تر ہو چکے ہیں۔ اس باعث کاشتکاری میں زیادہ اختراعی انداز اپنانا اہم ہو چکا ہے۔ ایسے میں زمین کی مٹی کے بغیر اختراعی کاشتکاری کو ایک حل خیال کیا گیا ہے۔ ریت یا پتھروں میں فصل بونے کو ہائیڈروپونکس کہتے ہیں۔

کم جگہ میں فصل کاشت کر کے زیادہ پیداوار حاصل کرنا بھی اختراعی کاشتکاری یا ہائیڈروپونکس میں شمار ہوتا ہے۔ یہ اسٹار ٹریک فلم کا کوئی منظر محسوس ہوتا ہے لیکن حقیقت ہے کہ قدیمی دور میں انسان ایسا کرتا رہا ہے۔ ایزٹک تہذیب کے لوگ معلق کھیتوں میں کاشتکاری کیا کرتے تھے۔ ہائیڈروپونکس کا ایک مطلب زمین کے بغیر کاشتکاری بھی لیا جاتا ہے۔

زمینی مٹی کے بغیر کاشتکاری کسی حد تک مصنوعی انداز میں کی جاتی ہے اور اس کے لیے غذائیت کو اہمیت حاصل ہے۔ مختلف طریقوں میں غذائی محلول کا استعمال کر کے جڑیں پھیلانے کو معطل کر دیا جاتا ہے۔ اس عمل میں غذائی محلول کا اسپرے بھی شامل ہے۔ ایسی کاشتکاری میں مصنوعی انداز میں حرارت، روشنی اور دوسرے آلات کا استعمال کیا جاتا ہے تاکہ پودا جلد تیار ہو جائے اور پیداوار بھی زیادہ دے۔

اس طریقہٴ کاشتکاری یعنی ہائیڈروپونکس میں پانی کا انتہائی قلیل استعمال کیا جاتا ہے۔ روایتی کاشکاری سے دس فیصد کم پانی استعمال کر کے زیادہ پیداوار حاصل کی جاتی ہے۔ یہ خاص طور پر خشم موسم میں کارگر ہے لیکن غذائیت یقینی طور پر فصل میں زیادہ موجود ہے۔ اسی طرح کیمیکل کھاد کا استعمال بھی کم ہوتا ہے۔ کیڑے مار ادویات نہ ہونے کے برابر استعمال کی جاتی ہیں کیونکہ زمینی مٹی موجود نہیں ہے۔

ہائیڈروپونکس میں پودے عمودی طور پر لگائے جاتے ہیں تا کہ وہ اوپر کی جانب بڑھ سکیں۔ یہ پودے عموماً طشتریوں میں لگائے جاتے ہیں جو ایک دوسرے کے اوپر کچھ فاصلے پر رکھی جاتی ہیں۔ اس انداز میں پودے ایک دوسرے کے قریب ہوتے ہیں اور کم جگہ گھیرتے ہیں۔ یہ اندازِ کاشتکاری مؤثر گردانا گیا ہے۔

ہائیڈروپونکس ایک طرح سے پیچیدہ کاشتکاری کا انداز قرار دیا گیا ہے کیونکہ اس میں توانائی کی زیادہ ضرورت ہوتی ہے اور یہ مہنگا ہے۔ پودوں کو غذائی مواد درکار ہے اور آلات کی بھی ضرورت ہے۔ بجلی کی فراہمی منقطع ہونے پر ساری فصل ضائع ہو سکتی ہے۔ مصنوعی انداز میں حرارت اور روشنی کی فراہمی ذاتی خرچ پر ہے جبکہ روایتی کاشتکاری میں حرارت اور روشنی کا ذریعہ سورج ہے، جو مفت ہے۔

نظریاتی طور پر بغیر مٹی کے کسی بھی فصل کو اگایا جا سکتا ہے، جیسا کہ کھیرے، ٹماٹر، سبز سلاد، مرچ یا دوسری جڑی بوٹیاں لیکن سبھی کے لیے ایک خاص تکنیک کی ضرورت ہے۔ بظاہر بغیر مٹی کے کاشتکاری ابھی بہت مقبول نہیں ہے لیکن یہ مستقبل کے چیلنج کا سامنا کر سکتی ہے۔ سن 2016 میں اس انداز کی کاشتکاری یا ہائیڈروپونکس کا مالیتی حجم اکیس بلین ڈالر سے زائد تھا۔

کوئی بارش، کوئی فصل نہیں، کھانے کو بمشکل کچھ دستیاب۔ افریقہ کو اس دہائی کے بد ترین بحران سکا سامنا۔ وہاں 14 ملین انسان خطرے میں ہیں۔ ایتھوپیا کی صورتحال ابتر ہے۔

ایتھوپیا کے باشندوں کی اکثریت کھیتی باڑی اور مویشیوں کو پال کر اپنا گزر بسر کرتی ہے۔ عفار کے علاقے سے تعلق رکھنے واے ایک کسان کا کہنا ہے، ’’ بارش کی آخری بوندیں میں نے گزشتہ رمضان میں دیکھی تھیں۔‘‘

خُشک سالی اور بھوک 1984ء کی یاد دلاتی ہے۔ تب ایتھوپیا میں غذائی قلت قریب ایک ملین انسانوں کی ہلاکت کی سبب بنی تھی۔ اب یہ ملک پھر بھوک کے بحران کا شکار ہے۔ حکومتی ذرائع کے مطابق چار لاکھ کم سن لڑکے اور لڑکیاں کم خوراکی کا شکار ہیں اور انہیں فوری طبی امداد کے ضرورت ہے۔

زمبابوے میں بھی فصلوں کی ابتر حالت ہے۔ دارالحکومت ہرارے کے کھیت بُھٹے کی لہلاتی فصل کی بجائے خُشکی اور جھاڑ جنگل کا مسکن بنی ہوئی ہیں۔ اس سب کے باعث تھوڑے عرصے کے وقفے سے اس جگہ آنے والا موسمی سائیکل ہے جسے النینو کہا جاتا ہے۔ اس بار اس کا دور دور نام و نشان نہیں۔

نقاہت زدہ گائے بمشکل کھڑے ہونے کی صلاحیت رکھتی ہے۔ زمبابوے کے مرکزی علاقے کے کسان اسے چلانے کی تمام تر کوششیں کر رہے ہیں۔ 2015 ء میں اُس سے پہلے سال کے مقابلے میں نصف بارش بھی نہیں ہوئی۔ فصلیں اور کھیت چٹیل میدان بنے ہوئے ہیں۔

عموماً اس جگہ کھڑے ہونا یا بیٹھنا ناممکن ہے۔ جس کی وجہ دریائے بلیک اُمفو لوزی ہے۔ جنوبی افریقی شہر ڈربن کے شمال مشرق کا یہ دریا بالکل خُشک پڑا ہے۔ اس کے ارد گرد آباد شہریوں نے اس دریا کے وسط میں ایک کنواں کھودا ہے جس سے وہ پانی حاصل کرنے کی کوشش کرتے ہیں۔

ملاوی بھی بُری طرح خُشک سالی کا شکار ہے۔ اس کے دارالحکومت کے قریب ہی واقع ایک مارکیٹ میں خریدار مہنگائی سے پریشان نظر آ رہے ہیں۔ بنیادی غذائی اجزاء جیسے کہ بھٹے کی قیمتوں میں ہوش رُبا اضافہ ہو چُکا ہے۔ فصلوں کی خرابی کے باوجود انہیں درآمد کیا جانا ضروری تھا۔