جرمنی وہ واحد یورپی ملک ہے جس نے اپنی اکثر شاہراہوں کے لیے تیز رفتاری کی قید نہیں رکھی ہے۔ یہاں موٹر وے کے انتہائی بہترین نظام ان شاہراہوں پر پُر سکون سفر کی دعوت دیتے ہیں۔ یہاں کسی لیگل گارڈین کی موجودگی میں گاڑی چلانے کے لیے 17 برس کی عمر میں ڈارئیونگ لائسنس حاصل کیا جا سکتا ہے۔ بغیر کسی گارڈین کی موجودگی میں لائسنس حاصل کرنے کی لیے کم سے کم 18 برس کی عمر کا ہونا ضروری ہے۔

جرمنی کی آٹو موبائل ایسوسی ایشن کے مطابق سن 2015ء کے مقابلے میں اب ٹریفک کے دباو میں 15 فیصد اضافہ ہوا ہے۔ یعنی منزل مقصود تک پہنچنے کے لیے اب زیادہ وقت درکار ہوتا ہے۔

اگر پیچھے سے آنے والی گاڑی آپ کو مسلسل ہارن دے کر اپنی گاڑی کی اسپیڈ بڑھانے کے لیے دباو میں لا رہی ہے تو اس سے ہر گز نہ متاثر نا ہوں۔ اگر آپ فاسٹ لین میں نہیں ہیں تو آپ اپنی رفتار پر برقرار رہ سکتے ہیں۔

جرمنی میں اسپیڈ کیمروں کا کثرت سے استعمال کیا جاتا ہے۔ ڈبے کی شکل میں سڑک کنارے نصب کیمرے گاڑیوں کی رفتار کی حد کو جانچتے رہتے ہیں۔ اگر آپ رفتار کی حد کی خلاف ورزی کرتے ہیں تو گاڑی کا چالان، ان کیمروں سے قید کی گئی ڈارئیونگ سیٹ پر آپ کی تصویر اور گاڑی کی نمبر پلیٹ کی تفصیل گھر پر پہنچا دی جاتی ہے۔

اگر آپ ڈرائیونگ کے دوران موبائل فون ہاتھ میں تھامے نظر آئے تو اس پر سو یورو جرمانے کے علاوہ ڈرائیور لائسنس سے ایک پوائنٹ حذف کر دیا جاتا ہے۔ اگر گاڑی کسی حادثے کا باعث بنی ہے تو جرمانے میں اضافے کے علاوہ لائسنس سے بھی ہاتھ دھونا پڑتا ہے۔ یہ جرمانے موبائل فون استعمال کرنے والے سائکل سواروں پر بھی لاگو ہیں۔

اگر کسی سڑک پر ٹریفک جام ہے تو ایمبولینس اور پولیس کے لیے ایک لین میں جگہ بنانا لازمی ہے۔ ایسا نہ کرنے والی گاڑیوں پر دو سو یورو جرمانہ عائد ہو سکتا ہے۔

اگر آپ کی گاڑی خراب ہو جائے یا کوئی ایکسیڈنٹ ہو تو وارنگ سگنل دینا لازمی ہے۔ یعنی گاڑی کے اندر سڑک پر رکھنے والی نارنجی تکون رکھنا، روشنی پڑنے پر چمکنے والی جیکٹ پہنا لازمی ہے۔ اس کے علاوہ گاڑیوں میں فرسٹ ایڈ کٹ رکھنا بھی لازمی ہے۔

جرمن دارالحکومت برلن میں اندرونِ شہر شاہراہ ’اے وی یو ایس‘ کو ملک کی سب سے قدیم موٹر وے تصور کیا جاتا ہے۔ اسے سن 1913 اور سن 1921 کے درمیان تعمیر کیا گیا تھا۔ اُس وقت یہ محض دس کلومیٹر طویل تھی۔ اس کے اتنا مختصر ہونے کے سبب اسے جرمنی میں شاہراہوں کا نقشِ اول بھی کہا جاتا ہے۔

جرمنی میں پہلی ’باقاعدہ‘ موٹر وے کولون اور بون کے شہروں کے درمیان 6 اگست سن 1932 کو گاڑیوں کی آمد ورفت کے لیے کھولی گئی۔ اس ہائی وے کو سرکاری طور پر بھی ’ وہیکلز، اونلی روڈ‘ یعنی ’صرف گاڑیوں کے لیے سٹرک‘ ہی کہا گیا۔ آج یہ سڑک آٹو بان ’اے 555‘ کا ایک حصہ ہے۔

مورخین اس بات پر متفق ہیں کہ جرمنی میں پہلی موٹر وے کی تعمیر کی ہدایت ایڈولف ہٹلر نے نہیں دی تھی۔ گزشتہ سلائیڈ میں دکھائی گئی سڑک بنانے کا منصوبہ، کلون کے اس وقت کے لارڈ مئیر کونراڈ آڈے ناؤر کا تھا۔

دنیا بھر کی شاہراہوں کو دیکھا جائے تو پتہ چلتا ہے کہ آسٹریلیا کی ’ہائی وے ون‘ نامی سڑک دنیا کی سب سے طویل شاہراہ ہے۔ یہ سڑک قریب تمام برِاعظم آسٹریلیا کا احاطہ کرتی ہے اور اس کی طوالت 14،000 کلو میٹر سے زائد ہے۔

جرمنی کو ’گنجان ترین شاہراہوں کا ملک‘ کہا جاتا ہے۔ جرمن ’آٹوبان‘ یا موٹر وے کے اِس نیٹ ورک کی لمبائی تقریباﹰ 13،000 کلو میٹر ہے۔ اگرچہ آٹوبان ملکی شاہراہوں کا صرف چھ فیصد ہے لیکن جرمنی کی ایک تہائی مجموعی ٹریفک اسی موٹر وے پر انحصار کرتی ہے۔

جرمن وزیرِ ٹرانسپورٹ الیگزینڈر ڈوبرینڈٹ کو توقع ہے کہ ہائی وے پر مسافر بردار گاڑیوں کے لیے ٹول ٹیکس متعارف کرانے سے ملک کو سالانہ 500 ملین یورو کی آمدنی ہو گی۔ تاہم ناقدین کا کہنا ہے کہ ٹول جمع کرنے کی غرض سے بنیادی ڈھانچہ قائم کرنے کے لیے کثیر اخراجات کرنے ہوں گے۔

پچیس سال پہلے آغاز ہوئے میونخ برلن ٹرین لائن منصوبے کو بہت تنقید کا سامنا کرنا پڑا ہے۔ مثال کے طور پر یہ کہا گیا کہ یہ منصوبہ ٹیکس ادا کرنے والوں کی آمدنی ضائع کرنے کے مترادف ہے۔ بہرحال اب ’ وی ڈی ای 8‘ نامی یہ منصوبہ پایہ تکمیل کو پہنچ چکا ہے اور دس دسمبر سے اس ٹرین کے ذریعے سفر کا وقت دو گھنٹےکم ہو کر چار گھنٹے کے لگ بھگ ہو گیا ہے۔

ڈوئچے بان کی کوشش ہے کہ ٹرین کے سفر کو مسافروں کے لیے بجٹ ایئر لائنوں اور بسوں کے مقابلے میں زیادہ سے زیادہ پر کشش بنایا جائے۔ فی الحال اس روٹ پر ٹرین ٹرانسپورٹ کا شیئر بیس فیصد ہے جسے ڈوئچے بان اسے پچاس فیصد تک بڑھانا چاہتی ہے۔

میونخ اور برلن کے درمین نئے ٹرین روٹ کے لیے قریب ریل کے لیے تین سو جبکہ سڑکوں پر 170 پُل تعمیر کیے گئے۔ اس ریلوے ٹریک پر چلنے والی ٹرینیں سرنگوں سے 300 کلو میٹر فی گھنٹہ کی رفتار سے سفر کرتی ہیں۔

اس ریلوے ٹریک پر دن میں تین مرتبہ انٹر سٹی ایکسپریس ٹرینیں دونوں سمتوں میں چلتی ہیں اور دونوں شہروں کے درمیان فاصلہ چار گھنٹے سے بھی کم وقت میں طے کر لیتی ہیں۔ ریگولر انٹر سٹی ایکسپریس ٹرینیں یہ فاصلہ ساڑھے چار گھنٹے میں طے کرتی ہیں۔

ریلوے ٹریک کی تعمیر پر آئی لاگت کو کسی نہ کسی شکل میں وصول کیا جائے گا۔ تیز رفتار ٹرینوں میں مسافروں کے لیے دلچسپی پیدا کرنا ایک حکمت عملی ہے اور ٹکٹ کی قیمتیں بڑھانا دوسری۔ ڈوئچے بان کے تخمینے کے مطابق میونخ اور برلن کے ایک ٹرپ کے لیے مسافروں کو فی کس 150 یورو خرچ کرنے ہوں گے۔

ماحول کے لیے جرمنی کے وفاقی ادارے نے ریلوے ٹریک کی تعمیر سے ماحول پر پڑنے والے منفی اثرات پر تنقید کی ہے تاہم ڈوئچے بان کا دعوی ہے کہ اُس نے چار ہزار ہیکٹر رقبے پر دوبارہ کاشت کی ہے اور چھ لاکھ درخت لگائے ہیں۔

نیورمبرگ مال برادر سرگرمیوں کا بڑا مرکز ہے۔ یہی وجہ ہے کہ نیورمبرگ اور فیُورتھ کا درمیانی روٹ جرمنی کا مصروف ترین ٹرین ٹریک ہے۔ اب تیرہ کلو میٹر طویل کارگو ٹرین ٹریک نے اس مشکل کو خاصا آسان بنا دیا ہے۔

اب ڈوئچے بان کے سامنے بڑا چیلنج لوگوں کو اس پر آمادہ کرنا ہے کہ وہ بسوں اور فضائی سفر کے بجائے ٹرینوں کا انتخاب کریں۔ اگر ٹرینیں اپنے نظام الاوقات کی پابندی کریں تو یہ کام کچھ ایسا مشکل بھی نہیں۔