ہانگ کانگ کے زمینی حصے میں واقع جنگلاتی پہاڑی نشیب، خشک کھردرے پہاڑی پشتے اور ان میں پرندوں کی چہچہاہٹ خاص طور پر اُن افراد کے لیے نہایت کشش کا باعث ہوتی ہے، جو مصروف زندگی سے کچھ وقت نکال کر ان کا لطف اٹھانے وہاں پہنچتے ہیں۔ اس علاقے کو ہانگ کانگ کے شہریوں کے لیے ذہنی سکون اور تشفی کی مرہم سے تعبیر کیا جاتا ہے۔

چین میں قومی ترانے کی تعظیم نہ کرنے والے کے لیے سزا

قومی ترانہ معيار کے مطابق نہ پڑھنے پر جيل جانا ہو گا

خودمختاری پر سمجھوتہ نہیں ہو گا، چینی صدر

چینی صدر کا دورہء ہانگ کانگ: جشن بھی، احتجاج بھی

قانون کے تحت ہانگ کانگ  کے ساٹھ فیصد رقبے پر کاروباری اور زندگی آباد کرنے کی سرگرمیاں جاری رکھی جا سکتی ہیں اور چالیس فیصد علاقہ ہریالی و شادابی برقرار رکھنے کے لیے مختص ہے۔ مقامی سماجی کارکنوں اور ماحول دوستوں کا خیال ہے کہ اگر یہ قانونی رکاوٹ نہ ہوتی تو ہانگ کانگ کی بڑھتی ہوئی کاروباری سرگرمیاں اب تک ہر ہرے بھرے خطے کو نگل چکی ہوتیں۔

اس علاقے کے پہاڑی و جنگلاتی سرسبز علاقے میں کوہ پیمائی کے شوقین، پہاڑی راستوں پر جاگنگ کرنے والے خواتین و حضرات اور کیمپ لگا کر جنگل میں وقت گزارنے والے سارا سال دیکھے جا سکتے ہیں۔ اس پر سبھی کا اتفاق ہے کہ پہاڑیوں اور جنگلوں کے تحفظ نے ہانگ کانگ کے قدرتی حسن کو دوبالا کر رکھا ہے۔

اب ہانگ کانگ کے باسیوں نے ایک اور سماجی کام شروع کر دیا ہے اور وہ ہے ان قدرتی پہاڑیوں کے اندر پھینکے گئے کاٹھ کباڑ کو اکھٹا کرنا۔ کئی سائیکل چلانے والے جب اس علاقے میں سائیکلنگ کے لیے جاتے ہیں تو واپسی پر وہ بکھرے پڑے کوڑا کرکٹ کو بھی جمع کر لاتے ہیں۔ اس ماحول دوستی نے ہانگ کانگ کے پہاڑی راستوں کو صاف کرنا بھی شروع کر دیا ہے۔

حالیہ ایام میں پہاڑی راستوں پر بنائے گئے اینٹوں والے راستوں میں شکست و ریخت دیکھی گئی ہے۔ ان کی ٹوٹ پھوٹ کی وجہ سے کئی پیدل چلنے والے افراد کو گر کر چوٹیں بھی لگی ہیں۔

اب انتظامیہ نے ان راستوں کی مرمت کا سلسلہ شروع کر دیا ہے۔ کئی راستوں کو کنکریٹ کے ذریعے پہلے سے بہتر بنا دیا گیا ہے۔ اس سلسلے میں ایک مقامی شخص اسٹون سانگ نے فیس بک پر مہم بھی شروع کر رکھی ہے۔ اس مہم کے مثبت نتائج بھی سامنے آنا شروع ہو گئے ہیں۔