سعودی عرب نے سب سے زیادہ عسکری ساز و سامان خرید کر بھارت سے اس حوالے سے پہلی پوزیشن چھین لی۔ سپری کے مطابق گزشتہ پانچ برسوں کے دوران فروخت ہونے والا 12 فیصد اسلحہ سعودی عرب نے خریدا۔ 68 فیصد سعودی اسلحہ امریکا سے خریدا گیا۔

عالمی سطح پر فروخت کردہ اسلحے کا 9.5 فیصد بھارت نے خریدا اور یوں اس فہرست میں وہ دوسرے نمبر پر رہا۔ سپری کے مطابق بھارت اس دوران اپنا 58 فیصد اسلحہ روس، 15 فیصد اسرائیل اور 12 فیصد اسلحہ امریکا سے درآمد کیا۔

مصر حالیہ برسوں میں پہلی مرتبہ اسلحہ خریدنے والے ٹاپ ٹین ممالک میں شامل ہوا۔ مصر کی جانب سے سن 2014 اور 2018ء کے درمیان خریدے گئے اسلحے کی شرح مجموعی عالمی تجارت کا تیرہ فیصد بنتی ہے۔ اس سے پہلے کے پانچ برسوں میں یہ شرح محض 1.8 فیصد تھی۔ مصر نے اپنا 37 فیصد اسلحہ فرانس سے خریدا۔

مذکورہ عرصے میں اس مرتبہ فہرست میں آسٹریلیا کا نمبر چوتھا رہا اور اس کے خریدے گئے بھاری ہتھیاروں کی شرح عالمی تجارت کا 4.6 فیصد رہی۔ آسٹریلیا نے 60 فیصد اسلحہ امریکا سے درآمد کیا۔

شمالی افریقی ملک الجزائر کا نمبر پانچواں رہا جس کے خریدے گئے بھاری ہتھیار مجموعی عالمی تجارت کا 4.4 فیصد بنتے ہیں۔ اس عرصے میں الجزائر نے ان ہتھیاروں کی اکثریت روس سے درآمد کی۔

چین ایسا واحد ملک ہے جو اسلحے کی درآمد اور برآمد کے ٹاپ ٹین ممالک میں شامل ہے۔ سن 2014 اور 2018ء کے درمیان چین اسلحہ برآمد کرنے والا پانچواں بڑا ملک لیکن بھاری اسلحہ خریدنے والا دنیا کا چھٹا بڑا ملک بھی رہا۔ کُل عالمی تجارت میں سے 4.2 فیصد اسلحہ چین نے خریدا۔

متحدہ عرب امارات بھی سعودی قیادت میں یمن کے خلاف جنگ میں شامل ہے۔ سپری کے مطابق مذکورہ عرصے کے دوران متحدہ عرب امارات نے بھاری اسلحے کی مجموعی عالمی تجارت میں سے 3.7 فیصد اسلحہ خریدا جس میں سے 64 فیصد امریکی اسلحہ تھا۔

امریکی اور اتحادیوں کے حملے کے بعد سے عراق بدستور عدم استحکام کا شکار ہے۔ عالمی برادری کے تعاون سے عراقی حکومت ملک میں اپنی عملداری قائم کرنے کی کوششوں میں ہے۔ سپری کے مطابق عراق بھاری اسلحہ خریدنے والے آٹھواں بڑا ملک ہے اور بھاری اسلحے کی خریداری میں عراق کا حصہ 3.7 فیصد بنتا ہے۔

سپری کی تازہ فہرست میں جنوبی کوریا سب سے زیادہ ہتھیار خریدنے والا دنیا کا نواں بڑا ملک رہا۔ اسلحے کی مجموعی عالمی تجارت میں سے 3.1 فیصد اسلحہ جنوبی کوریا نے خریدا۔ پانچ برسوں کے دوران 47 فیصد امریکی اور 39 فیصد جرمن اسلحہ خریدا گیا۔

بھاری اسلحہ خریدنے والے ممالک کی فہرست میں ویت نام دسویں نمبر پر رہا۔ سپری کے مطابق اسلحے کی عالمی تجارت میں سے 2.9 فیصد حصہ ویت نام کا رہا۔

پاکستان گزشتہ درجہ بندی میں عالمی سطح پر فروخت کردہ 3.2 فیصد اسلحہ خرید کر نویں نمبر پر تھا۔ تاہم تازہ درجہ بندی میں پاکستان نے جتنا بھاری اسلحہ خریدا وہ اسلحے کی کُل عالمی تجارت کا 2.7 فیصد بنتا ہے۔ پاکستان نے اپنے لیے 70 فیصد اسلحہ چین، 8.9 فیصد امریکا اور 6 فیصد اسلحہ روس سے خریدا۔

ایک سینیئر کاریگر اپنے شاگردوں سمیت ہاتھ سے اسلحہ سازی میں مصروف ہے۔ مقامی لوگ ایسے ہی بے قاعدہ اساتذہ سے یہ اسلحہ سازی کا ہنر سیکھتے ہیں۔

چینی ساختہ پستول کی نقل کو انتہائی صفائی سے بنایا جاتا ہے اور یہ کام بھی دستی کیا جاتا ہے۔ یہ پستول پاکستان بھر میں شہرت رکھتا ہے۔

بے روزگاری میں اضافے کی وجہ سے اعلیٰ تعلیم یافتہ نوجوان بھی باپ دادا کے اس ہنر کو آگے بڑھانے میں مصروف ہیں لیکن وہ حکومت کی سرپرستی سے محروم ہیں۔

درہ آدم خیل کے بعض کاریگروں کا کام ملک بھر میں مشہور ہے اور انہیں ملک بھر سے ہاتھ سے بنائے گئے اسلحے کے آڈرز بھی ملتے ہیں۔

درہ آدم خیل میں اسلحہ سازی کے لیے کوئی جدید مشینری دستیاب نہیں بلکہ یہاں عام اور پرانی مشینری استعمال کی جاتی ہے

کئی ہمسایہ ممالک درہ آدم خیل میں تیار کردہ اسلحے کو ’ہنٹنگ اور شوٹنگ‘ کے مقصد کے لیے خریدنے میں دلچسپی لیتے ہیں۔ تاہم قانوی مسائل کی وجہ سے وہ اسے خرید نہیں سکتے۔

سرحد چیمبر آف کامرس اینڈ انڈسٹری ’ہنٹنگ اینڈ شوٹنگ‘ کے حوالے درہ آدم خیل میں تیار کیے گئے اسلحے کی نمائش کا انتظام کرتی ہے تاکہ اس کے لیے بین الااقوامی منڈی میں مارکیٹ پیدا کی جا سکے۔

پستولوں اور بندوقوں کے ساتھ ساتھ درہ آدم خیل میں اس اسلحے کے لیے کارتوس اور گولیاں بھی دستیاب ہوتی ہیں جس میں زیادہ تر مقامی طور پر تیار کی جاتی ہیں۔

اس مارکیٹ میں پستولوں کے علاوہ آٹومیٹک اسلحہ بھی تیار کیا جاتا ہے۔ مقامی کاریگروں کا دعویٰ یہ بھی ہے کہ درہ آدم خیل میں تیار ہونے والا آٹومیٹک اسلحہ کسی بھی غیر ملکی اسلحے کا مقابلہ کرسکتا ہے۔

اس اسلحہ مارکیٹ میں اسلحہ سازی کے ساتھ اسلحے کی حفاظت کے لیے چمڑے کے کورز بھی تیار کیے جاتے ہیں۔ اس صنعت سے بھی سینکڑوں لوگ وابستہ ہیں۔

درہ آدم خیل میں مقامی طور پر تیار کیے گئے اسلحے پر واضح طور پر’میڈ ان چائنا‘ .کندہ ہے۔