سلمان خان کے خلاف 1998 میں جنگلی حیات کے تحفظ کے قانون کے تحت دو مقدمات درج کیے گئے تھے۔ ان پر اپنے ساتھی اداکاروں کے ساتھ نایاب ہرنوں کے شکار کا الزام تھا جس کے ثابت ہونے پر انہیں 5 سال قید کی سزا سنائی گئی ہے۔ اس کے علاوہ ان پر 2002 میں باندرا کے علاقے میں ایک بیکری کے باہر فٹ پاتھ پر سوئے افراد پر نشے کی حالت میں گاڑی چڑھانے کا الزام بھی ہے۔

ماضی کے مقبول اداکار جتیندر کے خلاف اس برس جنوری میں ان کی ایک کزن نے جنسی حملے کی رپورٹ درج کروائی۔

مارچ 2018 میں ایک مندر کے حکام نے شکایت درج کروائی کہ اداکارہ نے ایک اشتہار کی عکسبندی مندر کے اس علاقے میں کی ہے جہاں کیمرہ لے جانا ممنوع تھا۔

مارچ 2018 میں نواز الدین کی بیوی نے ان کے خلاف اپنی جاسوسی کرنے اور ٹیلی فون کالز کا ریکارڈ نکلوانے کا الزام عائد کیا۔

بالی ووڈ کے سنجو بابا ،غیر قانونی طور پر ہتھیار رکھنے کے جرم میں سزا کاٹ چکے ہیں۔

’کنگ خان‘ شاہ رخ خان کو بھی بھارت میں اپنی فلم رئیس کی شوٹنگ کے دوران کوٹا ریلوے اسٹیشن کی املاک کو نقصان پہنچانے اور ہنگامہ آرائی کرنے کے الزام کا سامنا ہے۔ اس کے علاوہ 2002 میں آئی پی ایل میچ کے دوران وانکھیڑے کرکٹ اسٹیڈیم ممبئی میں سکیورٹی حکام کے ساتھ بدتمیزی کے بعد اس اسٹیڈیم میں پانچ سال تک ان کے داخلے پر پابندی بھی عائد کی گئی۔ 

بالی ووڈ اداکار ادیتیہ پنچولی کے بیٹے سورج پنچولی پر اداکارہ جیا خان کی خودکشی میں اعانت کرنے اور اکسانے کا الزام ہے ۔

اپنے کرئیر کی ابتدا میں کامیابیاں سمیٹنے والے اس اداکار کو اپنی گھریلو ملازمہ سے زیادتی کرنے کے جرم میں جیل کی سزا بھگتنا پڑی۔

ممبئی سے تعلق رکھنے والی ایک ماڈل نے ہدایت کار مدھر بھنڈارکر کے خلاف سن 2004 میں زیادتی کا مقدمہ درج کروایا تاہم 2007 میں اس ماڈل کو ہدایت کار کو قتل کرنے کی سازش کرنے کے جرم کا مرتکب پایا گیا۔

بالی ووڈ کے ڈانسنگ ہیرو گووندا پر اپنی فلم ‘ منی ہے تو ہنی ہے‘ کے سیٹ پر مداح کو تھپڑ مارنے کے الزام کا سامنا تھا ۔تاہم بھارتی سپریم کورٹ نے 2017 میں ان پر درج کیس کو خارج کر دیا۔

بھارت کی جنگ آزادی کے ہيرو مہاتما گاندھی کا مومی مجسمہ مادام تساؤ عجائب گھر کی زینت بنا ہوا ہے۔

معروف بھارتی کرکٹر سچن ٹنڈولکر نے اپنے مومی پتلے کے ساتھ انتہائی خوشگوار موڈ میں تصویر بنوائی۔

بھارتی فلم اسٹار امیتابھ بچن عالمی سطح پر تو شہرت کے حامل ہیں ہی تاہم مادام تساؤ کے میوزیم میں اس مجسمے نے تو اُنہیں امر کر دیا ہے۔

کلاسیکی رقص اور اداکاری میں بے مثال بھارتی ہیروئین مادھوری ڈکشٹ کی مومی مورتی بھی اس برطانوی میوزیم میں سجا دی گئی ہے۔

بھارتی ہیرو شاہ رخ خان کا ذکر نہ ہو تو بالی ووڈ کی تاریخ ادھوری رہتی ہے۔ پھر خان کا مجسمہ مادام تساؤ کی دلکشی میں اضافہ کیوں نہ کرتا۔

دبنگ ہیرو سلمان خان بھی شہرت کی صف میں کسی سے پیچھے نہیں۔ اُن کے چاہنے والے خان کا مجسمہ دیکھنے دور دور سے اس برطانوی عجائب گھر کا رخ کرتے ہیں۔

بات بچن خاندان کی ہو اور مس یونیورس کا تاج پہننے والی خوبرو بھارتی اداکارہ ایشوریا رائے بچن کا مومی مجسمہ اس برطانوی میوزیم میں نہ نصب کیا جائے، یہ بھلا کیسے ممکن ہے۔

بھارتی فلمی ہیرو ریتک روشن کے بارے میں کہا جاتا ہے کہ وہ یونانی حسن کے حامل ہیں۔ مادام تساؤ میوزیم نے اس یونانی حسن کے حامل ہیرو کا مومی مجسمہ بھی رکھا گیا ہے۔

معروف کپور خاندان سے تعلق رکھنے والی اور اب نواب آف پٹودی خاندان کی بہو کرینہ کپور کی موم سے بنی مورتی بھی اسی میوزیم کی زینت بنی ہوئی ہے۔

بھارت کے لیجنڈری اداکار امیتابھ بچن فلموں میں آنے سے قبل ایک شپنگ کمپنی میں ملازمت کرتے تھے۔ اُن کو پہلی ملنے والی تنخواہ پانچ سو روپے تھی۔

’دبنگ فیم‘ سلمان خان نے اپنا کیریئر اسٹیج ڈانس پرفارمر کے طور پر شروع کیا تھا۔ سلمان کو ایک ڈانس شو کے پچھتر روپے ملا کرتے تھے۔

معروف کیریکٹر ایکٹر عرفان خان اداکاری میں آنے سے قبل ٹیوشن پڑھایا کرتے تھے جس کے انہیں پچیس روپے ملے تھے۔

کلکی اداکاری سے پہلے انگلینڈ کے ایک کیفے میں ویٹرس کا کام کرتی تھیں۔ اُن کی پہلی آمدنی چالیس پونڈ تھی۔

شہرہ آفاق بولی ووڈ ہیرو دھرمیندر کو اُن کی پہلی فلم ’دل بھی تیرا ہم بھی تیرے‘ کے لیے کام کرناے کا معاوضہ اکیاون روپے ادا کیا گیا تھا۔

بالی ووڈ کے مشہور ایکٹر رندیپ ہڈا آسٹریلیا میں ایک ریستوران میں بطور ویٹر کام کرتے تھے۔ اس کام کے لیے انہیں فی گھنٹہ آٹھ آسٹریلین ڈالر اجرت ملی تھی۔

شاہ رخ خان آج بھارتی فلم انڈسٹری کے چوٹی کے ہیرو شمار ہوتے ہیں لیکن یہ کوئی نہیں جانتا کہ اداکاری کے میدان میں قدم رکھنے سے قبل خان نے کیا کیا پاپڑ بیلے۔ شاہ رخ خان ٹرینوں میں ریزرو نشتیں کسی مسافر کے ہاتھ بیچ دیتے تھے اور اس طرح کچھ پیسے بنا لیا کرتے تھے۔

قابل اور حسین اداکارہ اور معروف بھارتی اداکار انیل کپور کی صاحبزادی سونم کپور نے اپنی عملی زندگی کا آغاز اسسٹنٹ ڈائریکٹر کی حیثیت سے کیا تھا اور انہیں ماہانہ تین ہزار روپے تنخواہ ملتی تھی۔

رتک روشن نے چائلڈ آرٹسٹ کی حیثیت سے سو روپے معاوضے کے بدلے کام کا آغاز کیا تھا۔

عامر خان نے فلموں میں بطور اسسٹنٹ ڈائریکٹر کام کا آغاز کیا اور انہیں جو پہلی تنخواہ ملی وہ ایک ہزار روپے تھی۔

نصیرالدین شاہ بھارتی آرٹ فلموں کے ایک مایہ ناز اداکار ہیں۔ سوشل موضوعات پر اُن کی بیشتر فلمیں بار بار دیکھنے کے قابل ہیں۔ یہ امر دلچسپی سے خالی نہیں کہ شاہ پہلی بار ایک فلم میں چتا کو آگ لگائے جانے کے ایک سین میں ارد گرد کھڑے تماشائیوں میں شامل تھے اور اس کام کے لیے انہیں ساڑھے سات روپے ملے تھے۔

رومانوی فلموں کے ہیرو عمران ہاشمی کو ایک مچھر مار دوا کے ٹی وی اشتہار میں کام کرنے کے عوض 2500 انڈین روپے بطور معاوضہ دیے گئے تھے۔