پرتگال کے فٹ بالر رونالڈو کئی رسومات کے باقاعدہ کاربند ہیں کیونکہ وہ انہیں اچھا شگون خیال کرتے ہیں۔ وہ ریال میڈرڈ کی بس میں سفر کرتے ہوئے ہمیشہ سب سے آخر میں بیٹھتے ہیں۔ ہوائی جہاز میں اگلی سیٹوں پر بیٹھنے کو بہتر سمجھتے ہیں۔ میدان میں داخل ہوتے وقت وہ اپنا دایاں قدم پہلے رکھتے ہیں۔ میچ کے ہاف ٹائم کے بعد وہ اپنے سر کے بال درست کرنا نہیں بھولتے۔

برازیلی اسٹار نیمار جونبئر کو دنیا کے بہترین فٹ بال کھلاڑیوں میں شمار کیا جاتا ہے۔ نیمار بھی بعض اعتقاد پر مسلسل عمل کرتے ہیں۔ وہ ہر میچ سے قبل اپنے باپ کے ساتھ مل کر جیت کی دعا کرتے ہیں۔ وہ میدان میں پہلے دایاں قدم رکھتے ہیں اور زمین کی گھاس کو چھ۔و کر پھر جیت کی دعا کرتے ہیں۔

ارجنٹائن کا یہ فٹ ہر میچ سے قبل باقاعدگی سے پیشاب کیا کرتا تھا۔ وہ خیال کرتا تھا کہ میچ سے قبل پیشاب کرنا دوسری ٹیم کے لیے برا شگون ہوتا ہے اور اُس وجہ سے دوسری ٹیم کو میچ کے دوران مشکل ہو گی۔ وہ گول کیپر تھے اور سن 1994 تک ارجنٹائنی ٹیم کا حصہ رہے۔

جرمن ٹیم کے گول کیپر مانویل نوئر بھی خیال کرتے ہیں کہ میچ سے قبل گول پوسٹ کو چھونا خوش بختی کی علامت ہوتا ہے۔ اس لیے وہ میچ شروع ہونے سے قبل گول پوسٹ کے دونوں کناروں کو ہاتھ سے چھوتے ہیں۔ وہ یہ فعل دونوں ہاف کے شروع ہونے سے قبل باقاعدگی سے کرتے ہیں۔

جرمن ٹیم کے سابق کپتان اور دفاعی فٹ بالر باستیان شوائن شٹائگر کو ورلڈ کپ سن 2014 میں غیر معمولی کھیل پیش کرنے پر ہمیشہ یاد رکھا جائے گا۔ اُن کی ایک عادت تھی کہ وہ میچ ہمیشہ گیلی جرابوں اور گیلے جوتوں کے ساتھ کھیلا کرتے تھے۔

لاراں بلاں (Laurent Blan) فرانسیسی ٹیم کے کئی برس تک کپتان رہے تھے۔ وہ ہر بین الاقوامی میچ سے قبل اپنی ٹیم کے ساتھی اور گول کیپر فابیاں بارٹز کے شیو کیے ہوئے سر کا بوسہ لیا کرتے تھے۔ وہ اس کو خوش بختی خیال کرتے تھے۔ اس عادت کو کئی دوسرے فرانسیسی کھلاڑیوں نے بھی بعد میں اپنایا۔

فٹ بال کھیلتے ہوئے پاؤں کے ساتھ آرام دہ جوتا اہم خیال کیا جاتا ہے۔ جرمن فٹ بالر گیرڈ مُؤلر ہمیشہ بڑے سائز کا جوتا پہن کر کھیلنے کو کامیابی کی کلید خیال کرتے تھے۔ دوسری جانب آسٹریا کے فٹ بالر ژوہان ایٹمائر قدرے تنگ جوتے کو میچ میں بہتر کارکردگی کی چابی قرار دیتے تھے۔

سن 1980 کی دہائی میں انگلینڈ کی فٹ بال ٹیم کے بہترین فارورڈ کھلاڑی گیری لنکر ہوا کرتے تھے۔ وہ پریکٹس کے دوران گول پوسٹ میں گیند ڈالنے یا پھینکنے سے کتراتے تھے اور بال ہمیشہ دور پھینکنے کو نیک شگون خیال کرتے تھے۔

معالجین کا خیال ہے کہ میچ والے دن گرم پانی سے نہانا صحت کے لیے نقصان دہ ہو سکتا ہے۔ فرانسیسی فٹ بالر ایرک کینٹونا ڈاکٹروں کی اس ہدایت کو بیکار خیال کرتے تھے اور میچ والے دن پانچ منٹ تک گرم پانی سے نہانے کی عادت رکھتے تھے۔ وہ میچ کے دن خاص طور پر صبح آٹھ بجے گرم پانی سے نہانے کو اپنے لیے نیک شگون خیال کرتے تھے۔

کئی برس تک ہسپانوی فٹ بال کلب اس وہمے میں مبتلا رہی کہ لہسن کی ایک تری گراؤنڈ کے وسط میں دبا دینا ایک خوش بخت علامت ہے اور اس سے میچ میں کامیابی ممکن ہے۔ سن 1912 سے قبل ریال میڈرڈ کامیابیوں سے محروم تھی اور انہوں نے ایسا کیا اور جیت نے اُن کے قدم چومنے شروع کر دیے۔ لیکن یہ کلب اب شاید اس شگون کا اتنا قائل نہیں رہا۔ رواں برس بھی چیمپئنز لیگ ریال میڈرڈ نے جیتی ہے۔

رومیو انکونیتانی سولہ برس تک اٹلی کے مشہور فٹ بال کلب پیسا کے صدر رہے تھے۔ انہیں اس کا اعتقاد تھا کہ اُن کے کلب کی کامیابی میں ایک چٹکی نمک کا کردار ہوتا ہے۔ وہ میچ سے قبل میدان پر ایک چٹکی نمک بکھیرنے کو کامیابی کی کلید قرار دیا کرتے تھے۔

کئی اقوام میں تیرہ نمبر کو خوش بختی کا عدد قطعاً نہیں قرار دیا جاتا۔ برازیلی ٹیم کے کوچ ماریو زاگالو اس نمبر کے ایک طرح سے پجاری تھے۔ اس نمبر کے پیٹرن سینٹ انتھونی ہیں اور وہ ان سے شدید عقیدت رکھتے تھے۔ وہ ایک بلند عمارت کی تیرہویں منزل پر رہائش پذیر تھے۔ وہ تیرہ نمبر کی شرٹ پہن کر فٹ بال کھیلتے تھے۔ سن 1994 کا ورلڈ کپ جیتنے والی ارجنٹائنی ٹیم کے وہ کوچ تھے۔

ارجنٹائن کے سابق کوچ کارلوس بلارڈو کے خیال میں میچ جیتنے کے لیے پولٹری (مرغ، بطخ یا ٹرکی) کا گوشت کھانا خوش بختی کا باعث ہوتا ہے۔ اسی لیے جتنا عرصہ وہ قومی ٹیم کے کوچ رہے، کھلاڑیوں کو پولٹری کے اسٹیک مہیا کیے جاتے تھے۔ اس کے علاوہ میچ سے قبل وہ کھلاڑیوں کو تلقین کیا کرتے تھے کہ وہ اپنی ٹوتھ پیسٹ بھی تبدیل کر کے استعمال کریں۔ سن 1986 میں ارجنٹائن نے سابقہ مغربی جرمنی کو ہرا کر ورلڈ کپ جیتا تھا۔

اٹلی میں لیجنڈ کا درجہ رکھنے والے کوچ جووانی تراپاٹونی میچ سے قبل اپنے کھلاڑیوں پر مقدس پانی کے چھڑکاو کو باعث برکت خیال کیا کرتے تھے۔ ترپاٹونی ہی کی کوچنگ سے جرمن فٹ بال کلب بائرن تاریخ ساز حیثیت کا حامل ہوا۔ وہ انتہائی مذہبی شخصیت رکھتے تھے۔ میچ سے قبل میدان میں ٹیم کے داخل ہونے پر وہ مقدس پانی کا چھڑکاؤ کرتے تھے۔ مقدس پانی وہ اپنی بہن سے حاصل کرتے تھے، جو ایک راہبہ تھیں۔

جرمن ٹیم کے کوچ ژوآخج لُووو نیلے رنگ پر اعتقاد رکھتے ہیں اور اِسے خوش بختی کی علامت سمجھتے ہیں۔ اس باعث وہ نیلے رنگ کے دلدادہ ہیں۔ خاص طورپر میچ کے دوران نیلا کشمیرا سویٹر پہننا اُن کی عادت ہے۔ سن 2010 کے ورلڈ کپ کے دوران نیلے رنگ کے سویٹر جرمن مردوں میں بہت مقبول ہوئے تھے۔ لووو نے اپنا ایک نیلا سویٹر جرمن فٹ بال فیڈریشن کے میویزم کو بھی عطیہ کر رکھا ہے۔

ایسا محسوس کیا جا رہا تھا کہ روس میں کھیلے جانے والے ورلڈ کپ کے ابتدائی گروپ لیول میں جرمنی کی ٹیم کی شکست کے بعد ژوآخم لُوو کے لیے کوچ رہنے کی مدت کم رہ گئی ہے۔ اُن کا کنٹریک سن 2022 تک ہے۔ اسی برس خلیجی ریاست قطر میں ورلڈ کپ کا انعقاد ہو گا اور وہ تب عالمی کپ جیتنے کی سوچ رکھتے ہیں۔ دوسری جانب جرمن فٹ بال فیڈرشن کی حمایت بھی انہیں حاصل ہے۔

ژوآخم لُوو نے بطور فٹ بال کھلاڑی کے کُل باون میچ کھیلے اور صرف سات گول کیے۔ جنوب مغربی جرمن علاقے سے تعلق رکھنے والے لُوو آئنٹراخٹ فرینکفرٹ اور کارلس روہے کی جانب سے کھیلتے تھے۔ ایک کھلاڑی کے طور پر وہ بندس لیگا کے دوسرے درجے میں زیادہ عرصہ کھیلتے رہے۔

کھلاڑی کے طور پر اپنا کیریر ختم کرتے ہوئے انہوں نے کوچ بننے کا فیصلہ کیا اور پہلی مرتبہ انہیں سوئٹزرلینڈ کے کلب ونٹرتھور کی کوچنگ تفویض کی گئی۔ اس کلب میں وہ سن 1994 تک کھیلتے رہے تھے۔ سن 1995 میں انہیں اشٹٹ گارٹ فٹ بال کلب کا نائب کوچ مقرر کیا گیا۔ یہیں پر اُن کی ملاقات تھوماس شنائیڈر سے ہوئی جو ابک سال بعد ان کے نائب کوچ بن گئے۔ وہ اشٹٹ گارٹ کے کوچ اگلے برس یعنی سن 1996 میں مقرر کیے گئے۔

اُن کی کوچنگ کے دور میں اشٹٹ گارٹ نے سن 1997 میں جرمن کپ جیتا لیکن سن 1998 میں انہیں ترک شہر استنبول کے فٹ بال کلب فینر باچے نے کوچ بنانے کا فیصلہ کیا۔ وہ صرف ایک برس تک استنبول کے اِس کلب کے کوچ رہے۔

وہ کچھ دیر تک کارلس روہے اور اِینسبرُوک فٹ بال کلبوں کے کوچ رہے۔ پھر وہ آسٹریا کے شہر ویانا روانہ ہو گئے۔ سن 2003 کے موسم گرما میں وہ ویانا کے کلب کے کوچ تھے لیکن چند ماہ بعد انہیں فارغ کر دیا گیا حالانہ اُن کے کلب نے آسٹریائی لیگ میں ٹاپ پوزیشن بھی حاصل کی تھی۔

جرمن فٹ بال فیڈریشن نے رُئوڈی فولر کو بطور قومی کوچ فارغ کر دیا اور نیا کوچ ژؤرگن کلنزمان کو مقرر کیا۔ کلنزمان نے کوچنگ کی ذمہ داریاں سنبھالتے ہی ژوآخم لُووکو اپنا نائب مقرر کیا۔

جرمنی میں کھیلے جانے والے سن 2006 کے فٹ بال ورلڈ کپ میں جرمن ٹیم کے کوچ کلنزمان اور اُن کے نائب ژوآخم لُوو تھے۔ جرمن ٹیم سیمی فائنل میں اٹلی سے شکست کھا گئی۔ پہلی مرتبہ اسٹیڈیم کے باہر بھی لاکھوں جرمن شہریوں نے بڑی اسکرینوں پر اسی فٹ بال ورلڈ کپ کے میچوں کو دیکھا تھا۔

سن 2006 کے ورلڈ کپ کے بعد ژورگن کلنزمان مستعفی ہو گئے اور ژوآخم لُوو کو پہلی مرتبہ اپنے ملک کی قومی ٹیم کی کوچنگ کرنا پڑی۔ انہوں نے جرمن ٹیم کو سن 2008 میں کھیلی جانے والی یورپی فٹ بال چیمپئن شپ کے فائنل میں لا کھڑا کیا لیکن اُن کی ٹیم اسپین سے ایک گول سے ہار گئی۔

سن 2010 کا ورلڈ کپ ژوآخم لُوو کا بطور کوچ پہلا عالمی کپ تھا۔ اُن کی نوجوان ٹیم نے انگلینڈ کو ہرا کر پری کوارٹر فائنل کے لیے کوالیفائی کیا۔ اس راؤنڈ میں جرمن ٹیم نے ارجنٹائن کو چار گول سے ہرا کر کوارٹر فائنل میں پہنچی۔ سیمی فائنل میں جرمن ٹیم کو تجربہ کار ہسپانوی ٹیم کا سامنا کرنا پڑا اور وہ ایک گول سے جیت گئی۔

ژوآخم لُوو کی ٹیم نے سن 2012 کی یورپی چیمپیئن شپ کا آغاز شاندار انداز میں کیا۔ یہ مشترکہ طور پر پولینڈ اور یوکرائن میں کھیلی گئی۔ جرمنی نے گروپ لیول کے تمام میچ جیت کر کوارٹر فائنل کے مرحلے میں یونان کو ہرا کر کوارٹر فائنل تک رسائی حاصل کی۔ جرمنی نے جب یونان کو شکست دی تو یہ انٹرنیشنل میچوں میں مسلسل 15ویں جیت تھی اور ورلڈ ریکارڈ ہے۔ کوارٹر فائنل میں اطالوی ٹیم نے جرمنی کو شکست سے دوچار کر دیا۔

سن 2014 میں برازیل میں کھیلے جانے والے ورلڈ کپ کو ژوآخم لُوو کی ٹیم نے جیتا۔ یہ اُن کے کوچنگ کا سب سے بلند مقام خیال کیا جاتا ہے۔ جرمن ٹیم نے ارجنٹائن کے خلاف فائنل میچ جیت کر عالمی کپ کی ٹرافی جیتی۔

ورلڈ کپ جیتنے کے بعد جرمن ٹیم نے سن 2016 کی یورپی چیمپئن شپ میں اپنا جیت کا سلسلہ تو مناسب انداز میں شروع کیا لیکن میزبان فرانس نے سیمی فائنل میں ژوآخم لُوو کی ٹیم کو دو گول ہرا دیا۔

جرمن ٹیم نے سن 2017 کا کنفیڈریشن کپ جیت لیا۔ ورلڈ کپ سے قبل اس ٹورنامنٹ کو اہم خیال کیا جاتا ہے۔ روس میں کھیلے جانے والے کنفیڈریشن کپ کے فائنل میں ژوآخم لُوو کی ٹیم نے لاطینی امریکی ملک چلی کی ٹیم کو ایک گول سے ہرایا۔ اس جیت کے موقع پر خیال کیا گیا کہ ورلڈ کپ کا دفاع جرمن ٹیم کامیابی سے کر سکتی ہے، جو ممکن نہیں ہوا۔

سن 2018 کا ورلڈ کپ جرمن ٹیم کے لیے ایک بھیانک خواب بن کر رہ گیا ہے۔ گروپ لیول کے پہلے ہی میچ میں میکسیکو نے جرمنی کو ہرا دیا۔ سویڈن سے بمشکل میچ جیتا گیا۔ پھر جنوبی کوریا نے جرمن ٹیم کو صفر کے مقابلے میں دو گول سے ہرا کر ٹورنامنٹ سے باہر کر دیا۔ ژوآخم لُوو کی کوچنگ پر انگلیاں اٹھنا شروع گئیں لیکن بچت ہو گئی۔ وہ بدستور جرمن ٹیم کے قومی کوچ ہیں۔