یورو 2024 کے سیمی فائنل میں اب اسپین کا مقابلہ فرانس سے ہو گا۔ جمعہ پانچ جولائی کی شام جرمن شہر اشٹٹ گارٹ  میں کھیلے گئے ایک انتہائی دلچسپ میچ میں اسپین نے میزبان جرمنی کو ایک کے مقابلے دو گول سے شکست دے دی۔

یورو 2024: متنازعہ سلیوٹ پر ترک فٹ بالر پر یوئیفا کی پابندی

کرسٹیانو رونالڈو کے کیریئر کی آخری یورپی چیمپئن شپ

یہ میچ مقررہ 90 منٹ میں ایک ایک گول سے برابر رہا، کیونکہ جرمنی کھیل کے نواسیویں منٹ میں گول کرنے میں کامیاب ہوا۔ تاہم میچ کے اضافی وقت کے دوسرے ہاف کے آخر میں اسپین نے دوسرا گول کر کے فتح اپنے نام کر لی۔

جرمنی کی قومی ٹیم کی طرف سے اپنا آخری میچ کھیلنے والے کھلاڑی ٹونی کروس نے کہا کہ ہم نے ایک اچھا ٹورنامنٹ کھیلا لیکن جب آپ اتنے قریب ہوتے ہیں تو اس طرح باہر ہونا تلخ ہوتا ہے۔

جمعہ پانچ جولائی کی شب دوسرا کوارٹر فائنل پرتگال اور فرانس کے درمیان کھیلا گیا۔ جرمن شہر ہیمبرگ میں کھیلا گیا یہ میچ بھی مقررہ 90 منٹ میں بغیر کسی گول کے برابر رہا۔ اضافی وقت میں بھی کوئی فیصلہ نہ ہوا تو فیصلہ پینلٹی ککس پر ہوا جس میں فرانس نے تین کے مقابلے میں پانچ گول کر کے سیمی فائنل میں اپنی جگہ پکی کر لی۔

یورو 2024ء فٹبال ٹورنامنٹ کے بقیہ دو کوارٹر فائنل آج چھ جولائی کی شام کھیلے جا رہے ہیں۔ پہلا میچ انگلینڈ اور سوئٹزرلینڈ کے مابین ہو گا جبکہ دوسرے میچ  میں ترکی اور نیدرلینڈ مدمقابل ہوں گے۔ اس دونوں میچوں میں کامیابی حاصل کرنے والی دو ٹیمیں منگل نو جولائی کو کھیلے جانے والے دوسری سیمی فائنل میں ایک دوسرے کے خلاف میدان میں اتریں گی۔

اس ٹورنامنٹ کا فائنل اتوار 14 جولائی کو جرمن دارالحکومت برلن میں کھیلا جائے گا۔

ا ب ا/ک م (اے ایف پی، اے پی)