2017ء میں بھی جرمنی میں سب سے زیاد مہاجرین خانہ جنگی کے شکار ملک شام سے آئے۔ بی اے ایم ایف کے مطابق سن 2017ء میں شام کے پچاس ہزار سے زائد شہریوں نے جرمنی میں سیاسی پناہ کی درخواستیں جمع کرائیں۔ قریب 92 فیصد شامیوں کو پناہ دی گئی۔

عراقی مہاجرین دوسرے نمبر پر رہے اور گزشتہ برس تئیس ہزار چھ سو سے زائد عراقیوں نے جرمنی میں حکام کو پناہ کی درخواستیں دیں۔ چھپن فیصد سے زائد عراقی شہریوں کو پناہ کا حقدار سمجھا گیا۔

گزشتہ برس افغان شہریوں کی جرمنی آمد اس سے گزشتہ برس کے مقابلے میں آٹھ فیصد کم ہونے کے باوجود افغان تارکین وطن اٹھارہ ہزار سے زائد درخواستوں کے ساتھ تعداد کے لحاظ سے تیسرے نمبر پر رہے۔ چوالیس فیصد افغان درخواست گزار پناہ کے حقدار قرار پائے۔

افریقی ملک اریٹریا کے دس ہزار سے زائد شہریوں نے بھی جرمنی میں پناہ کی درخواستیں دیں۔ اریٹرین باشندوں کو جرمنی میں پناہ ملنے کی شرح 83 فیصد رہی۔

2017ء میں اسلامی جمہوریہ ایران کے نو ہزار سے زائد شہری پناہ کی تلاش میں جرمنی پہنچے اور ان کی درخواستوں کی کامیابی کا تناسب پچاس فیصد کے لگ بھگ رہا۔

ترکی میں ناکام فوجی بغاوت کے بعد حکومتی کریک ڈاؤن کے بعد ساڑھے آٹھ ہزار ترک شہریوں نے جرمنی میں پناہ کی درخواستیں جمع کرائیں۔ ترک شہریوں کو پناہ ملنے کا تناسب اٹھائیس فیصد رہا۔

افریقی ملک نائجیریا سے بھی مزید آٹھ ہزار تین سو تارکین وطن گزشتہ برس جرمنی پہنچے۔ اس برس محض 17 فیصد نائجیرین باشندوں کو جرمنی میں پناہ ملی۔

ساتویں نمبر پر ایک اور افریقی ملک صومالہ رہا، جہاں سے ساڑھے سات ہزار سے زائد نئے تارکین وطن گزشتہ برس پناہ کی تلاش میں جرمنی پہنچے۔ دیگر افریقی ممالک کے مقابلے میں صومالیہ کے شہریوں کو پناہ ملنے کا تناسب بھی زیادہ (اسی فیصد سے زائد) رہا۔

سن 2017 میں روس سے تعلق رکھنے والے چھ ہزار شہری پناہ کی تلاش میں جرمنی آئے۔ تاہم روسی شہریوں کو پناہ ملنے کی شرح محض نو فیصد رہی۔

اس برس دسویں نمبر پر ایسے تارکین وطن رہے جن کی قومیت شناخت کے بارے میں جرمن حکام کو علم نہیں۔ بی اے ایم ایف کے مطابق ایسے افراد کی تعداد قریب ساڑھے چار ہزار سے کچھ رہی۔

سن 2011 کے بعد اس برس پاکستانی تارکین وطن تعداد کے اعتبار سے پہلی مرتبہ ٹاپ ٹین ممالک میں شامل نہیں تھے۔ سن 2017 میں قریب ساڑھے چار ہزار پاکستانیوں نے جرمنی میں حکام کو پناہ کی درخواستیں دیں۔

کیا چرچ کی ننز یا راہبائیں صرف دعائیں مانگتی ہیں؟ ایک مرتبہ دوبارہ سوچیے۔ بھارت اور نیپال کی ’کنگ فو راحبائیں‘ عورتوں کو مارشل آرٹس کی تربیت دیتی ہیں تاکہ وہ اپنے آپ کو جنسی حملوں سے بچا سکیں۔ ہمالیہ کی یہ باہمت عورتیں سائیکل پر دور دراز علاقوں کا سفر بھی کرتی ہیں اور مقامی لوگوں کو انسانی اسمگلنگ اور ماحولیاتی آلودگی کے بارے میں آگہی بھی پہنچاتی ہیں۔

جنوبی سوڈان کے ایک علاقے ’گانیل‘ کے چالیس ہزار رہائشی اپنے شہر کو ’جنت کا ٹکڑا‘ کہتے ہیں۔ ملک کے دیگر حصوں میں جاری جنگ نے افریقہ میں مہاجرین کا بحران پیدا کیا ہے۔ گانیل کے شہری آس پاس موجود ندیوں سے روزگار اور خوراک حاصل کرتے ہیں۔ یہاں کے شہریوں کا کہنا ہے،’’ چند ماہ قبل 2700 ’ڈنکا‘ قبيلے کے ارکان مستقبل کی بے یقینی اور جنگ سے پناہ لینے یہاں آگئے تھے۔ ہم ان کو خوش آمدید کہتے ہیں۔‘‘

پاکستان کی ایک یونیورسٹی میں طالبات کے لیے ایک سائیکل اسکیم کا آغاز کیا گیا ہے۔ اس اسکیم کے تحت لڑکیاں دس ہزار ایکٹر پر مبنی یونیورسٹی کے کیمپس میں اب ایک جگہ سے دوسری جگہ سائیکل پر جاتی ہیں۔ کھلے عام لڑکیوں کے سائیکل چلانے نے قدامت پسند معاشرے کی سوچ کو تبدیل کرنے کی کوشش کی ہے۔

اٹلی میں مہاجر بچوں کی سرپرستی یہاں کے کچھ رہائشیوں کو دے دی گئی ہے، جس نے کچھ غیر معمولی دوستیوں کو جنم دیا۔ ایک سولہ سالہ بنگلہ دیشی لڑکا اپنے نئے والدین کی زبان بولنا نہیں جانتا لیکن اس منصوبے کی وجہ سے اب اسے اور اس جیسے کئی بچوں کو ایک گھر مل گیا ہے۔

کولمبیا میں خانہ جنگی کے باعث بے گھر ہونے والی خواتین نے اپنا ایک گروپ بنا لیا ہے۔ ان خواتین نے اپنے گھروں کو خود تعمیر کیا ہے۔ دھمکیوں کے باوجود ان عورتوں نے اینٹیں بنانا سیکھا، سیمنٹ مکس کرنا سکیھا اور ایک چھوٹا سا عورتوں کا شہر بنا دیا۔ ان عورتوں کا کہنا ہے،’’ ہم نے بہت مشکل سے اپنے گھر بنائے ہیں، یہاں مرد نہیں آسکتے، یہ ہماری جگہ ہے۔‘‘