بلنگر نے اپنے مذاق سے لوگوں کو ہنسا کر اتنا پیسہ کما لیا ہے. ان کی کتاب خود ہیلپ بھی خوب ہٹ رہی.

ریٹ میكلگلن اور چارلس لنکن نیل بننے چلے تھے انجینیئر مگر بن گئے کامیڈین۔ ان کا شو گڈ متھكل مارننگ انتہائی مقبول ہے۔

جرمن جرمینڈیا ہولا سوئے جرمن کے نام سے بھی جانے جاتے ہیں۔ لاطینی امریکا کے سب سے ہِٹ یو ٹیوب چینل دی چلين کامیڈین کے 33 لاکھ سے زائد فالوورز ہیں۔ جرمن جرمینڈیا تین چینل چلاتے ہیں۔

ماركيپلير کا اصلی نام ہے مارک فِشباخ ہے۔ ان کے چینل کے ایک کروڑ 55 لاکھ سبسكرائبر ہیں۔

ٹائلر اوکلی خود کو مزاح سے وابستہ ایک میزبان قرار دیتے ہیں۔ یو ٹیوب پر ان کا ٹائلر اوکلی شو انتہائی مقبول ہے۔ ان کے سبسکرائبر کی تعداد 80 لاکھ سے زائد ہے۔

روسانا اپنے چینل پر لوگوں کو بیکنگ اور کھانا پکانا سکھاتی ہیں۔ وہ اس کھانے سے متعلق سائنسی اور دیگر معلومات بھی دیکھنے والوں کو فراہم کرتی ہیں۔ ان کی کئی کتابیں چھپ چکی ہیں۔

ایان ہیككس اور انتھونی پیڈلا بچپن کے دوست ہیں۔ دونوں مل کر پانچ یو ٹیوب چینل چلاتے ہیں جن سے ایک سموش بھی ہے۔ یہ دوست ایک فلم بھی بنا چکے ہیں۔

بھارتی نژاد کینیڈین شہری للی کے چینل کا نام ہے سپر وومن۔ وہ کامیڈین ہیں جو اب پوری دنیا گھوم چکی ہیں۔ ان کے چینل کے سبسکرائبر کی تعداد ایک کروڑ سے زائد ہے۔

رومن ایٹ وُڈ کے یوٹیوب چینل ’’سمائل مور‘‘ کے ایک کروڑ سے زائد سبسکرائبر ہیں۔ ایٹ وڈ لوگوں سے کیے گئے مذاق کی ویڈیوز بنا کر اس چینل پر ڈالتے ہیں۔

سویڈن کے يوٹيوبر پيوڈی پائے کے چینل کے 50 لاکھ کے قریب سبسکرائبر ہیں۔ ان کا اصلی نام ہے فیلکس اروِڈ كیلبرگ ہے۔

ریپڈ ایکشن بٹالین (RAB) سن 2004 میں قائم کی گئی تھی تاکہ بنگلہ دیش میں فروغ پاتی اسلام پسندی کو قابو میں لایا جا سکے۔ اس فورس نے ابتداء میں چند جہادی عقائد کے دہشت گردوں کو ہلاک کیا یا پھر گرفتار کرنے میں کامیابی حاصل کی۔ اس فورس کی شہرت بتدریج داغ دار ہوتی چلی گئی اور یہ خوف کی علامت بن کر رہ گئی۔ اسے موت کا دستہ یا ’ڈیتھ اسکواڈ‘ کے نام سے جانا جاتا ہے۔

بنگلہ دیش کی حکومت فیس بک، یوٹیوب اور دیگر سماجی رابطوں کی ویب سائٹس کی نگرانی پر بارہ ملین یورو یا تقریباً چودہ ملین امریکی ڈالر خرچ کرنے کا ارادہ رکھتی ہے۔ اس منصوبے کے تحت ریپڈ ایکشن بٹالین ریاست مخالف پراپیگنڈے، افواہوں اور اشتعال انگیز مضامین یا بیانات کیا اشاعت کی نگرانی کرے گی۔ نگرانی کا یہ عمل انٹرنیٹ پر دستیاب کمیونیکشن کے تمام ذرائع پر کیا جائے گا۔

سویڈن میں مقیم بنگلہ دیشی صحافی تسنیم خلیل کا کہنا ہے کہ ریپڈ ایکشن بٹالین کو استعمل کرتے ہوئے ڈھاکا حکومت اپنے مخالفین کو گرفتار یا نظربند کرنے کا پہلے ہی سلسلہ جاری رکھے ہوئے ہے۔ خلیل نے یورپی یونین اور ایسے دوسرے اداروں سے کہا ہے کہ وہ بنگلہ دیشی حکومت کو ایسا اقدام کرنے سے روکے جو عام شہریوں کی آزادی کو سلب کرنے کے مساوی ہے۔

بنگلہ دیشی حکومت نے حال ہی میں ایک نیا قانون ’ دی ڈیجیٹل ایکٹ‘ متعارف کرایا ہے۔ اس قانون کے تحت انٹرنیٹ پر ریاست مخالف یا قانونی اختیار کو درہم برہم کرنے یا مذہبی جذبات کو مجروح کرنے یا نسلی ہم آہنگی کے منافی کوئی بھی بیان شائع کرنے کے جرم پر سات برس تک کی قید سزا سنائی جا سکتی ہے۔ ماہرین کا خیال ہے کہ حکومتی ناقدین کو خاموش کرنے طور پر اس قانون کا استعمال کر سکتی ہے۔

پیر پندرہ اکتوبر کو مسلم اکثریتی ملک بنگلہ دیش کے دارالحکومت ڈھاکا میں اہم اخبارات کے مدیران نے نیشنل پریس کلب کے باہر انسانی زنجیر بنائی۔ اس موقع پر مطالبہ کیا گیا کہ ’دی ڈیجیٹل ایکٹ‘ کی مختلف نو شقوں میں ترامیم کی جائیں کیونکہ یہ آزاد صحافت اور آزادئ رائے کے راستے کی رکاوٹ بن سکتی ہیں۔ اس مظاہرے کے جواب میں کوئی حکومتی ردعمل سامنے نہیں آیا ہے۔

ایک سینیئر ایڈیٹر محفوظ الرحمان کا کہنا ہے کہ نئے قانون کے تحت اگر کوئی صحافی کسی حکومتی دفتر میں داخل ہو کر معلومات اکھٹی کرتا پایا گیا تو اُسے جاسوسی کے شبے میں چودہ سال تک کی سزائے قید سنائی جا سکتی ہے۔ محفوظ الرحمان کا مزید کہنا ہے کہ یہ نیا قانون سائبر کرائمز کے چیلنج کا سامنا کرنے کے ساتھ ساتھ آزاد میڈیا کے گلے میں ہڈی کی طرح اٹک جائے گا۔

بنگلہ دیش آزاد صحافت کی عالمی درجہ بندی میں 180 ممالک میں 146 ویں پوزیشن پر ہے۔ ڈھاکا حکومت نے عالمی دباؤ کے باوجود انسانی حقوق کے سرگرم کارکن شاہد العالم کو پسِ زندان رکھا ہوا ہے۔ العالم نے رواں برس اگست میں طلبہ کے پرامن مظاہرے پر طاقت کے استعمال کو تنقید کا نشانہ بنایا تھا اور وہ اسی باعث گرفتار کیے گئے۔ اس گرفتاری پر حکومتی ناقدین کی مذمت کا سلسلہ جاری ہے۔