سویڈن کے دارالحکومت اسٹاک ہوم کی بلند و بالا رہائشی عمارت "نورا ٹورنن" کے جڑواں ٹاوز شہر کے نئے ڈسٹرکٹ ہاگسٹاڈن میں واقع ہے۔ اس عمارت کے چوکور ڈیزائن والی بالکونیوں نے شہر کے بصری منظر کو تبدیل کر دیا ہے۔ ایوارڈ دینے والی کمیٹی نے اسے شہر کی خوبصورتی بڑھانے میں ایک اچھا اضافہ قرار دیا۔

انٹرنیشنل ہائی رائز ایوارڈ کے لیے منتخب کی جانے والی پانچ عمارتوں میں لندن کی اسٹراٹ فورڈ نامی بلڈنگ بھی شامل تھی۔ اس کو دوسری پوزیشن دی گئی۔ بہترین عمارت کا ایوارڈ سن 2004 سے ہر دو سال بعد دیا جاتا ہے۔ عام طور پر اس کی تقریب جرمن شہر فرینکفرٹ کے سینٹ پالز چرچ میں منعقد کی جاتی ہے۔

اسٹراٹ فورڈ کا شمار لندن کی شاندار عمارتوں میں ہوتا ہے۔ ایوارڈ کمیٹی کا کہنا ہے کہ یہ عمارت زندگی سے عبارت ہے کیونکہ اس میں سرسبز جگہیں بھی موجود ہیں۔ رواں برس کے ایوارڈ کے لیے چودہ ممالک سے اکتیس عمارتوں کے درمیان مقابلہ تھا، جن میں اس بلڈنگ کو ایک منفرد مقام حاصل رہا۔

جرمن شہر فرینکفرٹ میں تعمیر کی جانے والی یہ عمارت ایک شاہکار ہے۔ اس میں ہوٹل، دفاتر، اپارٹمنٹس اور دوکانیں موجود ہیں۔ اس عمارت کو جرمنی میں ڈیزائن کے ایک نئے رجحان کا آغاز قرار دیا گیا ہے۔

یہ تصویر فرینکفرٹ کی عمارت اومنی ٹُرم کا ایک کلوز اپ ہے، جس میں بیچ کی چند منزلیں بظاہر ہلی ہوئی لگتی ہیں۔ ماہرین کے مطابق اس عمارت کا ڈزائن اور تصور ایک تازہ ہوا کے جھونکے کی مانند ہے۔ ایوارڈ کمیٹی نے اومنی ٹُرم کو ایک نئی طرزِ تعمیر کی مثال قرار دیا۔

سنگا پور میں تعمیر ہونے والی اس بلند و بالا عمارت کا نام ’ایڈن‘ ہے۔ اس اونچی عمارت میں ہر منزل پر سبزہ ہے۔ یہ عمارت ’باغیچوں کے شہر‘ سنگا پور کی بہترین مثال بن کر ابھری ہے۔ ایوارڈ کمیٹی کو اس عمارت میں سبزے کی موجودگی نے خاص طور پر متاثر کیا۔

یہ تصویر سنگاپور کی عمارت ’ایڈن‘ کی ایک منزل سے لی گئی ہے۔ اس عمارت میں تازگی کے لیے سرسبز پودے خاص انداز میں رکھے گئے ہیں۔ ایوارڈ کمیٹی کی سربراہ اَنے ماعود ژوپن کا کہنا ہے کہ اس عمارت میں ہریالی کی کشش سے انکار ممکن نہیں۔

زھا حدید کا انتقال سن 2016 میں چکا ہے لیکن ان کی قائم کردہ تعمیراتی کمپنی اس وقت بھی تعمیرات کی دنیا کا ایک معتبر ادارہ ہے۔ بیجنگ میں تعمیر ہونے والی یہ عمارت زھا حدید کی کمپنی کا شاہکار ہے۔ اس کے اندرون کو شیشے سے جوڑا گیا ہے جس سے دیکھنے میں یہ دو جڑواں عمارتیں ایک ہونے کا گمان ہوتا ہے۔

یہ لیزا سوہو کی اندر سے لی گئی تصویر ہے۔ اس عمارت کے دونوں ٹاورز کے بیچ ایٹریم دنیا کا سب سے اونچا ایٹریم ہے جو ایک سو نوے میٹر بلند ہے۔ اس کا متاثرکن بل کھاتا ڈزائن جدید اور شاعرانہ قرار دیا گیا ہے۔

باورچی خانے سے ڈیڑھ سو فٹ دور کھلی جگہ پر گھاس میں ایک میز کرسی رکھی گئی ہے، جہاں انسانوں کی میل جول کے بغير کھانا مہمانوں تک پہنچایا جاتا ہے۔ کھانے کو رسی کے ساتھ لٹکی ایک پکنک کی ٹوکری کے ذریعے میز کی طرف بڑھایا جاتا ہے۔ مہمان قدرتی ماحول میں کھانے سے لطف اندوز ہوتے ہوئے ايک دوسرے کے ساتھ وقت گزار سکتے ہيں۔

راسمس اور لنڈا، پیشے کے لحاظ سے شیف ہیں۔ ان کے ذہن میں یہ خیال اس وقت آیا جب کووڈ انيس کی وبا کے دوران لنڈا کے والدین، جن کی عمر 70 سال سے زیادہ ہے، ان سے ملنے ان کے نئے گھر آئے۔ سماجی دوری برقرار رکھتے ہوئے انہوں نے گھر کے ساتھ باغ میں ایک ٹیبل پر دسترخوان لگایا اور کھڑکی سے اپنے والدین تک کھانا پہنچایا۔

اس ریستوران میں سب سے پہلے مہمان کی تواضع مشروبات سے کی جاتی ہے۔ پھر مین کورس اور آخر میں سویٹ ڈش پیش کی جاتی ہے۔ تمام تر لوازمات قدرتی اجزاء سے بھرپور اور مقامی اجزاء سے بنائے جاتے ہیں۔

ریستوران کا مینیو انگور کے رس اور سوڈے سے بنے مشروب، سویڈش طرز کے ہیزلنٹ مکھن، سویٹ کارن اور پیلی گاجروں سے بنی مین ڈش اور بلوبیری آئسڈ بٹر ملک اور چینی سے تیار سویٹ ڈش پر مشتمل ہے۔

یہاں کھانے کا کوئی بل پیش نہیں کیا جاتا بلکہ یہ کھانا کھانے والے کی مرضی پر منحصر ہے کہ وہ اس انوکھے تجربے کے ليے کیا قیمت ادا کرنا چاہتا ہے۔ نام کے مطابق ’ٹیبل فار ون‘ ایک دن میں صرف ایک مہمان کے ليے خدمات سر انجام دیتا ہے۔ اس کے ليے پہلے سے آن لائن بکنگ کرانا ضروری ہے۔ دلچسپ بات یہ ہے کہ اگلے دو مہینوں کے ليے یہ ٹیبل پہلے ہی بک ہو چکا ہے۔

سماجی دوری کی اہمیت اجاگر کرتا یہ ریستوران فی الحال اگست تک کھولا گیا ہے۔ ممکن ہے کہ یہ اگست کے بعد بھی قائم رہے یا پھر کسی نئی شکل میں سامنے آئے۔