شمالی اٹلی میں جاری سالانہ TEHA بزنس فورم کے حاشیے پر یوکرینی صدر وولودیمیر زیلنسکی سے ملاقات کے بعد وزیراعظم میلونی نے کہا کہ یوکرین کی مدد کا فیصلہ اولین ترجیح ہے اور یہ قومی سلامتی کے لیے کلیدی ہے۔

یوکرین طویل فاصلے تک مار کرنے والے ہتھیاروں کے استعمال کا خواہاں

روس کا کلیدی جنگی ہدف اب ڈونباس کے خطے پر قبضہ، صدر پوٹن

اس موقع پر ان کا مزید کہنا تھا، ''میرے خیال میںچین اور بھارت کو اس تنازعے کے حل میں اپنا کردار ادا کرنا چاہیے۔ یہ تنازعہ یوکرین کو تنہا چھوڑ دینے سے کبھی حل نہیں ہو گا۔‘‘

زیلنسکی نے اس موقع پر روسی جارحیت کے خلاف جاری لڑائی میں مغربی ممالک سےمزید ہتھیاروں کی فراہمی کا مطالبہ کیا۔ یہ بات اہم ہے کہ اٹلی یوکرین کو ہتھیار فراہم کرنے والا ایک اہم ملک ہے۔

اٹلی روانگی سے قبل زیلنسکی نے جرمنی میں قائم امریکی ایئربیس رام شٹائن کا دورہ کیا۔ اس موقع پر انہوں نے زور دیا کہ یوکرین کو مزید ہتھیار فراہم کیے جائیں۔ اس موقع پر امریکہ کی جانب سے یوکرین کے لیے ڈھائی سو ملین ڈالر کی نئی عسکری مدد کا اعلان کیا گیا۔

ع ت/ا ب ا (روئٹرز، ڈی پی اے)