یو ٹیوب کی نئی میوزک سروس
17 مئی 2018![Screenshot Youtube Music Key](https://static.dw.com/image/18061184_800.webp)
اگلے ہفتے 22 مئی کو معتارف کرائی جانے والی اس سروس میں چند اضافی فیچر بھی موجود ہیں مثلاﹰ کسی بھی فرد کی یو ٹیوب ہسٹری اور چند دیگر استعمال کے پیٹرن کی بنیاد پر اپنی پلے لسٹ کو پرسنلائزڈ کر سکتے ہیں۔
ویڈیو اسٹریمنگ کمپنی کا مزید کہنا ہے کہ وہ یو ٹیوب پریمیم بھی لانچ کریں گے جس میں نئی تبدیلیوں کے ساتھ سبسکرپشن سروس موجود ہے۔
بھارت کے لیے یوٹیوب کی نئی خصوصی ایپلیکشن
اپنے بلاگ پوسٹ میں یو ٹیوب کا لکھنا ہے کہ یوٹیوب میوزک پر اشتہارات کے بغیر پریمیم سروس سے فائدہ اٹھانے کے لیے ماہانہ 9.99 ڈالر کے چارجز ادا کرنے ہوں گے تاہم اشتہارات کے ساتھ سروس سے بغیر کسی ادائیگی کے مفت میں فائدہ اٹھایا جا سکتا ہے۔ اس کے علاوہ یو ٹیوب کے اوریجنل شوز دیکھنے کے لیے 2 ڈالر کی اضافی رقم چارج کی جائے گی۔ یعنی تمام نئے پریمیم ممبران سے 11.99 ڈالر وصول کیے جائیں گے۔
یو ٹیوب کے مطابق، ’’پریمیم صارفین جن اوریجنل شوز کو دیکھ سکیں گے ان میں کوبرا کائی، اسٹیپ اپ: ہائی واٹر اور یوتھ اینڈ کانسیکوئنسس جیسے پروگرام شامل ہیں۔‘‘ تاہم جو صارفین پہلے ہی یو ٹیوب ریڈ کے ممبرز ہیں، ان کے لیے وہی ماہانہ فیس رہے گی جو وہ ادا کر رہے ہیں۔
ابتدائی طور پر یو ٹیوب میوزک امریکا، آسٹریلیا، نیوزی لینڈ، میکسیکو اور جنوبی کوریا میں لانچ کی جائے گی۔ اس سروس کو بتدریج دوسرے ممالک میں آئندہ چند ہفتوں میں لانچ کیا جائے گا۔
ع ف /ع ح (رائٹرز)