قریب 3500 کلومیٹر طویل مشترکہ سرحد کی حدیں کیا ہونی چاہییں؟ اسی معاملے پر دونوں ہمسایہ ممالک نے سن 1962 میں ایک جنگ بھی لڑی لیکن کوئی تصفیہ پھر بھی نہ ہو سکا۔ ناقابل رسائی علاقے، غیر حتمی سروے اور برطانوی سامراجی دور کے نقشے نے اس تنازعے کو مزید پیچیدہ بنا دیا۔ دنیا کی دو بڑی اقتصادی طاقتوں کے درمیان سرحد پر کشیدگی ان کے اپنے اور پوری دنیا کے لیے تشویش کا باعث ہے۔

كاراكاش دریا پر سمندر سے 14 ہزار فٹ سے لے کر 22 ہزار فٹ تک کی بلندی پر موجود اکسائی چین کا زیادہ تر حصہ ویران ہے۔ 32 ہزار مربع کلومیٹر میں پھیلا یہ علاقہ پہلے ایک کاروباری راستہ تھا اور اسی وجہ سے اس کی بڑی اہمیت بھی ہے۔ بھارت کا کہنا ہے کہ چین نے جموں کشمیر کے اکسائی چین میں اس کے 38 ہزار مربع کلومیٹر علاقے پر قبضہ کر رکھا ہے۔

چین دعویٰ کرتا ہے کہ میکموہن لائن کے ذریعے بھارت نے اروناچل پردیش میں اس کا 90 ہزار مربع کلومیٹر علاقہ دبا لیا ہے جبکہ بھارت اس علاقے کو اپنا حصہ قرار دیتا ہے۔ ہمالیہ کے علاقے میں اس سرحدی تنازعے کے حل کی خاطر سن 1914 میں برٹش انڈیا اور تبت کے درمیان شملہ میں ایک کانفرنس کا اہتمام بھی کیا گیا تھا۔

برطانوی نوآبادیاتی انتظامیہ نے وہ میكموہن لائن کھینچی تھی، جس نے برطانوی بھارت اور تبت کے درمیان سرحدی علاقے کو تقسیم کر دیا تھا۔ چین کے نمائندے شملہ کانفرنس میں موجود تھے لیکن انہوں نے اس معاہدے پر دستخط کرنے یا اسے تسلیم کرنے سے انکار کر دیا تھا۔ ان کا کہنا تھا کہ تبت چینی انتظامیہ کے تحت ہے، اس لیے تبت کو دوسرے ملک کے ساتھ سمجھوتہ کرنے کا کوئی حق نہیں ہے۔

سن 1947 میں آزادی کے بعد بھارت نے میكموہن لائن کو سرکاری سرحدی لائن کا درجہ دے دیا۔ اگرچہ 1950ء میں تبت پر چینی کنٹرول کے بعد بھارت اور چین کے درمیان یہ لائن ایسی متنازعہ سرحد بن گئی تھی، جس پر کوئی سمجھوتہ نہیں ہوا تھا۔ چین میكموہن لائن کو غیر قانونی، نوآبادیاتی اور روایتی قرار دیتا ہے جبکہ بھارت اسے بین الاقوامی سرحد کی حیثیت دیتا ہے۔

بھارت کی آزادی کے بعد سن 1954 میں بھارت اور چین کے درمیان تبت کے علاقے میں تجارت اور نقل و حرکت کے لیے ایک معاہدہ ہوا۔ اس معاہدے کے بعد بھارت نے سمجھا کہ اب سرحدی تنازعے کی کوئی اہمیت نہیں رہی اور چین نے اس کی تاریخی حیثیت کو قبول کر لیا ہے۔

چین کا کہنا ہے کہ اس متنازعہ سرحد پر بھارت کے ساتھ کوئی معاہدہ نہیں ہوا اور بھارت تبت پر چینی حاکمیت کو تسلیم کرے۔ اس کے علاوہ چین کا یہ بھی کہنا ہے کہ میكموہن لائن پر بیجنگ کو آج بھی تحفظات ہیں۔

سن 1962 میں چین اور بھارت کے درمیان جنگ ہوئی۔ مہینہ بھر جاری رہنے والی اس جنگ میں چینی فوج بھارت علاقوں لداخ اور اروناچل پردیش میں بھی گھس گئی تھی۔ تاہم بعد ازاں چینی فوج حقیقی کنٹرول لائن پر واپس لوٹ گئی تھی۔ اسی مقام پر بھوٹان کی سرحد بھی ہے۔ سکم وہ آخری علاقہ ہے، جہاں تک بھارت کو رسائی حاصل ہے۔ سکم کے کچھ علاقوں پر بھوٹان کا بھی دعویٰ ہے اور بھارت اس دعوے کی حمایت بھی کرتا ہے۔

چین کے خود مختار علاقے تبت میں واقع مان سروَور ہندوؤں کا اہم مذہبی مقام ہے، جس کی یاترا کے لیے ہر سال ہندو وہاں جاتے ہیں۔ بھارت اور چین کے کشیدہ تعلقات کا اثر ہندوؤں کے لیے اس مقدس مقام کی یاترا پر بھی پڑا ہے۔ موجودہ تنازعہ شروع ہونے کے بعد چین نے بھارتی ہندوؤں کو وہاں مشرقی راستے سے ہو کر جانے سے روک دیا تھا۔

بھارت اور چین کی جانب سے گزشتہ 40 برسوں میں اس تنازعے کو بات چیت کے ذریعے حل کرنے کی بہت کوششیں کی گئیں۔ اگرچہ ان کوششوں سے اب تک کوئی خاص نتائج حاصل نہیں ہو سکے تاہم چین کئی بار کہہ چکا ہے کہ اس نے اپنے پڑوسیوں کے ساتھ سرحدی تنازعے بات چیت سے حل کر لیے ہیں اور بھارت کے ساتھ یہ معاملہ بھی نمٹ ہی جائے گا۔ لیکن دوطرفہ مذاکرات کے 19 طویل ادوار کے بعد بھی اس سلسلے میں اب تک کوئی پیشرفت نہیں ہو سکی۔

سن 1944 کے تین سال بعد ہی بھارت برطانوی راج سے آزاد ہو گیا تھا۔ نتيجتاً ان نیم خودمختار نوابی ریاستوں کو ایک غیر یقینی مستقبل کا سامنا تھا۔ وقت کے ساتھ کئی شاہی خاندان ختم ہوگئے لیکن جس خاندان نے اس محل کو تعمیر کیا تھا وہ آج بھی جانا مانا خاندان ہے۔ اس خاندان نے محل کے ایک حصے کو ہوٹل ميں تبديل کر ديا ہے۔

اس ہوٹل کے مینیجر مہر نواز آواری کا کہنا ہے،’’دنیا میں کتنے ایسے ہوٹل ہوں گے جہاں آپ کے قریب ہی مہاراجہ رہتا ہو۔ ہم اپنے مہمانوں کو ایسا محسوس کراتے ہیں جیسے کہ وہ بادشاہ یا ملکہ ہوں۔‘‘ اس شاندار عمارت کا نام مہاراجہ عمید سنگھ کے نام پر رکھا گیا تھا۔ یہ مارور راٹھور خاندان کے آخری بادشاہ تھے۔ اسی خاندان سے تعلق رکھنے والے قرنی سنگھ جاسول کا کہنا ہے کہ محل کی تعمیر کا آغاز سن 1929 میں شروع ہوا تھا۔

برطانوی راج سے آزادی حاصل کرنے کے بعد بھارت کی کئی نوابی ریاستوں نے جمہوری حکومت میں شمولیت اختیار کر لی تھی۔ ابتدائی طور پر انہوں نے اپنے عہدے، جائیداد اور کچھ حد تک خودمختاری اپنے پاس رکھی۔ تاہم 1971ء میں بھارتی آئین میں تبدیلی کی گئی جس کے تحت تمام شہریوں کو برابر قرار دیا گیا اور شاہی مراعات کو ختم کر دیا گیا۔ يوں ریاست کی جانب سے ايسی نوابی رياستوں کو پیسے ملنا بھی بند ہو گئے۔

مراعات ختم ہونے کے بعد اور اس بے یقینی کے ساتھ کہ وہ ایک عام شہری کی طرح کس طرح رہیں گے، کئی نوابی خاندان مشکل میں پڑ گئے تھے۔ جاسول کا کہنا ہے کہ ان نوابی خاندانوں کو جو محلات یا عمارتیں ملیں وہ ایک سفید ہاتھی کی مانند تھیں۔ ان کے پاس پیسہ نہیں تھا جس سے کہ وہ کوئی کاروبار شروع کر سکتے۔ لیکن جودھ پور کے سنگھ خاندان نے اپنی جائیداد کو اچھی طرح سنبھالا بھی اور اس کو بڑھايا بھی۔

مہاراجہ عمید سنگھ کا پوتا صرف چار برس کا تھا جب 1952ء میں اس کے والد کا انتقال ہو گیا۔ یہ بچہ عمید سنگھ محل اور دیگر خاندانی زمینوں کا اکلوتا وارث بن گیا۔ 1971 ء میں قانون میں تبدیلی کے بعد نوجوان سنگھ نے محل کے ایک حصے کو ہوٹل بنا دیا اور ایک حصے کو عوام کے لیے عجائب گھر بنا دیا۔ آج جودھ پور شہر کی معیشت میں اس محل کا اہم کردار ہے۔

محل میں ہی گاج سنگھ کا گھر بھی ہے اور 64 کمروں پر مشتمل ہوٹل بھی۔ اس ہوٹل میں ایک رات کی رہائش کا معاوضہ پانچ سو امریکی ڈالر سے لے کر بارہ ہزار امریکی ڈالر تک ہے۔

شاہی خاندان نے علاقے کی فلاح و بہبود کے لیے بھی کافی کام کیا ہے۔ پانی کے ذخائر بڑھانے کے علاوہ يہ خاندان تعلیمی اور ثقافتی فلاح و بہبود کا کام بھی کر رہا ہے۔ ان منصوبوں سے ہزاروں مقامی افراد کو روزگار ملا ہے۔