پاکستان میں انسانی حقوق کی صورتحال کا جائزہ لینے کے لئے اقوام متحدہ کی حقوق انسانی کی ہائی کمشنر Louis Arbour نے پا کستان کا دورہ کیا ۔ دورے کے اختتام پر انہوں نےایک پریس کانفرنس کی جس میں انہوں نے کہا کہ عسکریت پسندوں کےساتھ معاہدے پاکستانی حکومت کے لئے اچھے ثابت نہیں ہوئے۔ ان کی وجہ سے قبائلی علاقوں میں حکومت کی گرفت مزید کمزور ہو گئی ہے۔ جس سے عام شہری بےبسی کا شکار ہیں اوران کی مشکلات میں اضافہ ہوتا جا رہا ہے۔ لیکن نہ تو انہوں نے قبائلی علاقوں میں ہونے والوں معاہدروں کی مخالفت کی اور نہ ہی حمایت۔ اگر ان معاہدوں سے عام شہریوں کو تحفظ ملنا ہے اور ان کے حقوق متاثر نہیں ہوتے تو پھر اس میں کوئی خرابی نہیں ہے۔