پابندیوں کے صدارتی حکم نامے پر صدر ڈونلڈ ٹرمپ نے پانچ اگست کو دستخط کیے۔ ٹرمپ کے مطابق ایران پر اقتصادی دباؤ انجام کار اُس کی دھمکیوں کے خاتمے اور میزائل سازی کے علاوہ خطے میں تخریبی سرگرمیوں کے خاتمے کے لیے ایک جامع حل کی راہ ہموار کرے گا۔ ٹرمپ کے مطابق جو ملک ایران کے ساتھ اقتصادی رابطوں کو ختم نہیں کرے گا، اُسے شدید نتائج کا سامنا کرنا پڑے گا۔

پانچ اگست کو جاری کردہ پابندیوں کے حکم نامے پر عمل درآمد سات اگست سے شروع ہو گیا ہے۔ اس پابندی کے تحت ایران کی امریکی کرنسی ڈالر تک رسائی کو محدود کرنا ہے تاکہ تہران حکومت اپنی بین الاقوامی ادائیگیوں سے محروم ہو کر رہ جائے اور اُس کی معاشی مشکلات بڑھ جائیں۔ اسی طرح ایران قیمتی دھاتوں یعنی سونا، چاندی وغیرہ کی خریداری بھی نہیں کر سکے گا اور اس سے بھی اُس کی عالمی منڈیوں میں رسائی مشکل ہو جائے گی۔

سات اگست سے نافذ ہونے والی پابندیوں کے بعد ایران ہوائی جہازوں کے علاوہ کاریں بھی خریدنے سے محروم ہو گیا ہے۔ ایران کی امپورٹس، جن میں گریفائٹ، ایلومینیم، فولاد، کوئلہ، سونا اور بعض سوفٹ ویئر شامل ہیں، کی فراہمی بھی شدید متاثر ہو گی۔ جرمن کار ساز ادارے ڈائملر نے ایران میں مرسیڈیز بینز ٹرکوں کی پروڈکشن غیر معینہ مدت کے لیے معطّل کر دی ہے۔

ایران پر پابندیوں کے دوسرے حصے کا نفاذ رواں برس پانچ نومبر کو ہو جائے گا۔ اس پابندی سے ایران کی تیل کی فروخت کو کُلی طور پر روک دیا جائے گا۔ تیل کی فروخت پر پابندی سے یقینی طور پر ایرانی معیشت کو شدید ترین دھچکا پہنچے گا۔ دوسری جانب کئی ممالک بشمول چین، بھارت اور ترکی نے عندیہ دے رکھا ہے کہ وہ توانائی کی اپنی ضروریات کے مدِنظر اس پابندی پر پوری طرح عمل نہیں کر سکیں گے۔

ایران کے صدر حسن روحانی نے امریکی پابندیوں کے حوالے سے کہا ہے کہ واشنگٹن نے اُن کے ملک کے خلاف نفسیاتی جنگ شروع کر دی ہے تا کہ اُس کی عوام میں تقسیم کی فضا پیدا ہو سکے۔ روحانی کا یہ بھی کہنا ہے کہ وہ اپنے اتحادیوں چین اور روس پر تکیہ کرتے ہوئے اپنے تیل کی فروخت اور بینکاری کے شعبے کو متحرک رکھ سکتا ہے۔ انہوں نے ایران میں امریکی مداخلت سے پہنچنے والے نقصان کا تاوان بھی طلب کیا ہے۔

یورپی یونین کی خارجہ امور کی چیف فیڈیریکا موگیرینی کا کہنا ہے کہ اُن کا بلاک ایران کے ساتھ چھوٹے اور درمیانے درجے کے کاروبار کو جاری رکھنے کی حوصلہ افزائی کرے گا۔ ان کا یہ بھی کہنا ہے کہ تہران سن 2015 کی جوہری ڈیل کے تحت دی گئی کمٹمنٹ کو پورا نہ کرنے پر بھی شاکی ہے۔ یہ امر اہم ہے کہ یورپی یونین یورپی تاجروں کے تحفظ کا خصوصی قانون متعارف کرا رکھا رکھا ہے۔

امريکی صدر ڈونلڈ ٹرمپ نے آٹھ مئی سن 2018 کے روز ايران کے ساتھ جوہری ڈيل سے يکطرفہ طور پر دست برداری کا اعلان کيا۔ ايران کے متنازعہ جوہری پروگرام کو محدود کرنے کے مقصد سے يہ ڈيل چھ عالمی طاقتوں اور تہران حکومت کے مابين سن 2015 ميں طے پائی تھی۔ ايران نے اس اقدام کو ’ناقابل قبول‘ قرار ديا اور ڈيل ميں شامل ديگر پانچ ممالک جرمنی، فرانس، برطانيہ، روس اور چين کے ساتھ بات چيت جاری رکھنے کا کہا۔

اکيس مئی کو امريکا نے ايران سے وسيع تر تبديليوں کا مطالبہ کيا۔ وزير خارجہ مائيک پومپيو نے بارہ مطالبات کی ايک فہرست سامنے رکھی، جن ميں شام ميں فوجی مداخلت ختم کرنے، جوہری پروگرام ترک کرنے وغيرہ جيسے مطالبے کيے گئے تھے اور انہيں پورا نہ کرنے کی صورت ميں اقتصادی پابنديوں کی دھمکی بھی دی گئی تھی۔ ايران نے يہ تمام مطالبات مسترد کر ديے تھے۔

جوہری ڈيل کی شرائط کے تحت رعايت کے طور پر اٹھائی گئی چند امريکی پابندياں سات اگست سن 2018 کو بحال کر دی گئيں۔ ابتدائی مرحلے ميں ايران کے ايوی ايشن، قالين سازی، سونے اور پستوں کی برآمدات سے متعلق شعبون کو ہدف بنايا گيا۔ پھر پانچ نومبر کو تازہ پابندياں عائد کی گئيں، جن ميں انتہائی اہم بينکاری اور خام تيل کی تجارت کے سيکٹرز پر پابندياں عائد کی گئيں۔

آٹھ اپريل سن 2019 کے دن امريکی صدر ٹرمپ نے ايرانی پاسداران انقلاب کو ايک ’غير ملکی دہشت گرد تنظيم‘ قرار دے ديا۔ اس فيصلے کے تحت ايران فوج کا يہ طاقتور حصہ کئی اقتصادی اور سفری پابنديوں کی زد ميں آ گيا۔ جواباً ايران نے امريکا کو ’دہشت گردی کی معاونت کرنے والی رياست‘ اور مشرق وسطی ميں تعينات امريکی افواج کو ’دہشت گرد گروپ‘ قرار دے ديا۔

پانچ مئی سن 2019 کو اس وقت کے امريکی مشير برائے قومی سلامتی جان بولٹن نے اعلان کيا کہ مشرق وسطیٰ کے خطے ميں پريشان کن پيش رفت کے سبب ايئر کرافٹ اسٹرائيک گروپ يا بحری بيڑہ اور لڑاکا طيارے خطے کی طرف روانہ کيے جا رہے ہيں۔ بولٹن نے اس وقت بيان ديا تھا کہ امريکا جنگ نہيں چاہتا ليکن اپنے مفادات کے تحفظ کو يقينی ضرور بنايا جائے گا۔

امريکا کی جوہری ڈيل سے يکطرفہ دستبرداری کے عين ايک برس بعد آٹھ مئی سن 2019 کو تہران حکومت نے احتجاجاً يورينيم کی افزودگی کا عمل بحال کرنے کا اعلان کيا۔ يہ عمل ڈيل کی شرائط ميں ممنوع قرار ديا گيا تھا۔ اسی دن امريکا نے ايران پر تازہ پابنديوں کا اعلان بھی کيا، جن ميں اسٹيل اور کان کنی کے سيکٹرز کو نشانہ بنايا گيا۔

بارہ مئی کو الفجيرہ کے قريب سمندر ميں چار کمرشل بحری جہازوں پر ’مشکوک پيش رفت اور سبوتاژ‘ رپورٹ کی گئی۔ يہ دعویٰ متحدہ عرب امارات نے کيا اور مزيد کہا کہ واقعے ميں دو سعودی آئل ٹينکر، ناروے کا ايک بحری جہاز اور ايک اماراتی جہاز متاثر ہوئے۔ کئی حلقوں ميں ايران کی طرف انگلياں اٹھائی گئيں ليکن ايران نے اس پيش رفت کو خطرناک قرار ديا اور لاتعلقی کا اظہار کيا۔

يمن ميں متحرک ايرانی حمايت يافتہ حوثی باغيوں نے چودہ مئی کو سعودی عرب ميں ڈرون حملے کرتے ہوئے تيل کی ايک اہم پائپ لائن کو نشانہ بنايا اور وہ بند کر دی گئی۔ دو دن بعد رياض حکومت نے اس کارروائی کا الزام ايران پر عائد کيا اور امريکا نے بھی يہی موقف اختيار کيا۔ ايران نے ان الزامات کو مسترد کيا۔

ايران اور امريکا کے مابين ثالثی کے مقصد سے جون ميں جاپانی وزير اعظم شينزو آبے نے ايران کا دورہ کيا۔ وہ بارہ جون کو تہران پہنچے اور اگلے ہی دن خليج عمان ميں ايک جاپانی اور ايک نارویجيئن ٹينکر حملے کے زد ميں آئے۔ ايران نے واقعات کو حادثات قرار دے کر چواليس افراد کے عملے کو بچانے کا کہا۔

کچھ ہی دن بعد سترہ جون کو امريکی محکمہ دفاع نے مشرق وسطی ميں ايک ہزار اضافی فوجيوں کی تعيناتی کی منظوری دے دی۔ اسی دن ايران نے اعلان کيا کہ وہ جوہری ڈيل ميں طے شدہ افزودہ يورينيم کی حد پار کرنے سے صرف دس دن دور ہے۔ تہران حکومت نے يہ بھی کہا کہ اگر ڈيل ميں شريک يورپی ممالک ايران کو اقتصادی پابنديوں کے اثرات سے بچانے کے ليے کوئی راہ نکال ليتے ہيں، تو ايران اپنا فيصلہ واپس لے سکتا ہے۔

بيس جون کو ايران نے ايک امريکی فوجی ڈرون مار گرايا۔ امريکا اور ايران دونوں کا ايک واقعے پر مختلف موقف سامنے آيا۔ واشنگٹن نے کہا کہ ڈرون بين الاقوامی پانيوں کی حدود ميں تھا جبکہ تہران کا دعویٰ تھا کہ ڈرون کو ايرانی فضائی حدود ميں نشانہ بنايا گيا۔

اکيس جون کو امريکی صدر نے اعلان کيا کہ انہوں نے ايک روز قبل ايران پر فوجی حملہ رکوا ديا۔ ڈونلڈ ٹرمپ کے مطابق ڈرون مار گرائے جانے کے رد عمل ميں کيے جانے والے حملے کو شروعات سے صرف دس منٹ پہلے روکا گيا۔ ٹرمپ نے دعویٰ کيا کہ اس حملے ميں ڈيڑھ سو افراد کی ہلاکت واقع ہو سکتی تھی۔ اس موقع پر صدر ٹرمپ نے ايران کے ساتھ بات چيت کا عنديہ بھی ديا۔

پچيس جون سن 2019 کے دن امريکا نے ايران پر تازہ پابندياں عائد کيں، جن ميں اس بار سپريم ليڈر آيت اللہ خامنہ ای اور چند ديگر اعلیٰ اہلکاروں کو نشانہ بنايا گيا۔ جواب ميں ايرانی وزير خارجہ نے کہا کہ ٹرمپ جنگ کے بھوکے ہيں اور سفارتکاری کے ذريعے معاملات حل کرنے ميں کوئی دلچسپی نہيں رکھتے۔

انتيس جون کو امريکا نے جديد ترين لڑاکا طيارے ايف بائيس مشرق وسطی ميں تعينات کر ديے۔ اس فيصلے کا مقصد خطے ميں امريکی مفادات و تنصيبات کا تحفظ بتايا گيا۔

يکم جولائی کو ايران نے اعلان کيا کہ اس نے افزودہ يورينيم کی جوہری ڈيل ميں مقررہ حد عبور کر لی ہے۔ جوہری امور پر نگاہ رکھنے والے اقوام متحدہ کے ادارے نے اس پيش رفت کی تصديق بھی کر دی۔

چار جولائی کو برطانوی روئل ميرينز نے جبرالٹر ميں ايک ايرانی آئل ٹينکر کو روک ليا۔ الزام يہ لگايا گيا کہ ٹينکر کے ذريعے خام تيل شام تک پہنچايا جا رہا ہے، جو کہ شام پر عائد يورپی يونين کی پابنديوں کی خلاف ورزی تھی۔ پھر بارہ جولائی کو اس ٹينکر کے ايرانی کپتان اور چيف آفيسر کو جبرالٹر ميں حراست ميں لے ليا گيا۔ ايرانی ٹينکر کو پندرہ اگست کو چھوڑ ديا گيا تھا۔

انيس جولائی کو ايران نے آبنائے ہرمز ميں ايک برطانوی آئل ٹينکر کو تحويل ميں لے ليا۔ ايرانی حکام نے برطانوی ٹينکر پر بين الاقوامی بحری قوانين کی خلاف ورزی کا الزام لگايا۔ کچھ ہی دن بعد لندن حکومت نے اعلان کيا کہ آبنائے ہرمز سے گزرنے والے تمام برطانوی ٹينکروں کے ساتھ جنگی بحری جہاز بھی سفر کريں گے۔

اگست کے اواخر ميں ايران نے ايک نيا ميزائل دفاعی نظام متعارف کرايا۔ اگست ہی کے ماہ ميں ايرانی وزير خارجہ محمد جواد ظريف نے فرانسيسی صدر ايمانوئل ماکروں سے بھی ملاقات کی۔ اس وقت فرانس ايران اور يورپی طاقتوں کے مابين ثالثی اور جوہری ڈيل کو بچانے کے ليے کافی سرگرم تھا۔

ستمبر کے اوائل ميں امريکا نے ايرانی سول اسپيس ايجنسی پر بھی پابندياں لگا ديں۔ پھر مزيد پابنديوں ميں ايرانی شپنگ سيکٹر کو ہدف بنايا گيا۔ اسی وقت امريکی صدر نے فرانس کی تجاويز کو مسترد کرتے ہوئے کہا کہ وہ ايران کو کوئی رعايت نہيں ديں گے۔

دس ستمبر کو صدر ٹرمپ نے اعلان کيا کہ وہ اختلافات کی بنياد پر قومی سلامتی کے مشير جان بولٹن کو فارغ کر رہے ہيں۔ ايسی رپورٹيں بھی گردش کرتی رہيں کہ در اصل اختلافات ايران کو پابنديوں سے معمولی سی رعايت دينے کے معاملے پر سامنے آئے۔ بولٹن کو انتہائی ايران مخالف اہلکار کے طور پر ديکھا جاتا تھا۔

چودہ ستمبر کو حوثی باغيوں نے اس ڈرون حملے کی ذمہ داری قبول کر لی، جس ميں سعودی ارامکو کی تيل تنصيبات کو نشانہ بنايا گيا تھا۔ اس حملے کی وجہ سے عالمی سطح پر تيل کی سپلائی متاثر ہوئی تھی۔ پومپيو نے اس کا الزام بھی ايران پر عائد کیا تھا۔ تاہم ايران نے اس الزام کو بھی رد کر ديا۔

ايران ميں نومبر کے وسط ميں ايندھن کی قيمتوں ميں اضافے پر شروع ہونے والا احتجاج باقاعدہ حکومت مخالف تحريک کی شکل اختيار کر گيا۔ بعد ازاں بد امنی اور سکيورٹی فورسز کی مظاہرين کو منتشر کرنے کے ليے کارروائی ميں حقوقِ انسانی کی عالمی تنظیم ايمنسٹی انٹرنيشنل کے مطابق تين سو سے زائد افراد ہلاک ہوئے۔ ايران نے بيرونی قوتوں پر اس بد امنی کا الزام لگايا۔

دسمبر کی سات تاريخ کو ايران اور امريکا نے قيديوں کا تبادلہ کيا۔ سوئس حکومت کی ثالثی کے نتيجے ميں چار سال سے ايران ميں قيد ايک چينی نژاد امريکی شہری کو رہا کيا گيا اور اس کے بدلے امريکا نے مسعود سليمانی نامی ايرانی سائنسدان کو چھوڑا۔

ستائيس دسمبر کو کرکوک، عراق ميں ايک راکٹ حملے ميں ايک امريکی کنٹريکٹر مارا گيا۔ اسی حملے ميں متعدد امريکی فوجی زخمی بھی ہوئے۔ دو دن بعد امريکا نے عراق اور شام ميں کئی مقامات پر اہداف کو نشانہ بنايا۔ عراقی ذرائع کے مطابق ان حملوں ميں پچيس افراد ہلاک ہوئے، جن ميں اکثريت ايران نواز مليشيا کے ارکان کی تھی۔

اکتيس دسمبر کو بغداد ميں مشتعل ہجوم نے امريکی سفارت خانے پر دھاوا بول ديا۔ اس ميں ايران نواز نيم فوجی گروپوں کے حامی ملوث تھے تاہم ٹرمپ نے اس کا الزام براہ راست ايران پر لگايا۔ مظاہرين نے امريکا کی مخالفت ميں احتجاج ايک دن تک جاری رکھا اور پھر يکم جنوری کو سفارت خانے کا محاصرہ ختم کيا۔

تين جنوری کی صبح بغداد کے ہوائی اڈے کے قريب امريکا نے ايرانی پاسداران انقلاب کی قدس فورس کے سربراہ جنرل قاسم سليمانی کو ايک ڈرون حملے ميں نشانہ بنايا۔ اس حملے ميں ايران نواز عراقی مليشيا کے سينئر ارکان بھی مارے گئے۔ ايران نے اس حملے کا صحيح جواب اور انتقام لينے کی دھمکی دی ہے، جس سبب ان دنوں خطے ميں شديد کشيدگی پائی جاتی ہے۔

پاکستانی بلیسٹک میزائل پروگرام کم فاصلے سے لے کر درمیانے فاصلے تک مار کی صلاحیت کے حامل میزائلوں سے لیس ہے۔

حتف ون پاکستان کا تیار کردہ پہلا شارٹ رینج بلیسٹک میزائل تھا، جس کی ابتدائی رینج 70 سے 100 کلومیٹر تھی ۔ اس میزائل کو سپارکو نے دیگر اداروں کے تعاون سے 1989 میں تیار کیا ۔ اسے 1992 میں پاکستانی فوج کے حوالے کیا گیا۔

حتف آٹھ یا رعد ٹو ٹربو جیٹ پاور کروز میزائل ہے۔ پاکستان نے اس میزائل کے تجربات کا آغاز اگست 2007 میں کیا تھا۔ رپورٹس کے مطابق متعدد تجربات کے بعد جنوری 2016 میں کیا جانے والا تجربہ اب تک کا کامیاب ترین تجربہ تھا۔ اس میزائل کی رینج 350 کلومیٹر تک ہے۔

شاہین ٹو میڈیم رینج بلیسٹک میزائل دراصل شاہین ون میزائل کا اپ گریڈ ورژن ہے جسے ابتدا میں شاہین ون میزائل کے ساتھ سیکنڈ سٹیج موٹر کے طور پر لگایا گیا تھا۔ سنہ 2000 میں منظر عام آنے والے اس میزائل کا پہلا تجربہ 2004 میں کیا گیا جب کہ آخری ٹریننگ لانچ تجربہ 2014 میں کیا گیا تھا ۔ اس کی رینج 1500 سے 2000 تک ہے۔

حتف ٹو یا ابدالی شارٹ رینج بلیسٹک کو ابتدائی دور پر حتف ون میزائل کے ٹو اسٹیج ورژن کے طور پر تیار کیا گیا اور حتف ون میزائل کے نچلے حصے میں ٹھوس پروپیلنٹ (وہ قوت جو میزائل کی رینج بڑھاتی ہے) کے طور پر لگایا گیا تھا۔ 1997 میں اسے سنگل سٹیج میزائل میں اپ گریڈ کیا گیا۔ اس کی رینج 280 سے 400 کلومیٹر ہے۔

پاکستان نے حتف فائیو میزائل کی تیاری کا آغاز 80 کے عشرے میں کیا جسے بعد ازاں غوری میزائل کا نام دیا گیا اور باقاعدہ ٹیسٹ 1998 میں کیا گیا۔ غوری ٹو بلیسٹک میزائل کی تیاری میں اسٹیل کی جگہ ایلومینیم کا استعمال کیا گیا جس سے اس کی رینج 1800 کلومیٹر تک بڑھ گئی۔

میزائل ٹیکنالوجی میں پاکستان کا اہم ہتھیار ابادیل میزائل ہے۔ یہ میزائل ایک وقت میں 2200 کلومیٹر تک کئی اہداف کو نشانہ بنا سکتا ہے۔ اس میزائل کو کہوٹہ ریسرچ لیبارٹری کے سائنسدانوں اور انجینئرز نے تیا ر کیا اور اس کا پہلا تجربہ 24 جنوری 2017 میں کیا گیا۔

حتف فور یا شاہین ون میزائل کی تیاری کا آغاز پاکستان نے سنہ 1993 میں کیا جس کا پہلا تجربہ اپریل 1999 میں کیا گیا۔ بعد ازاں 2002 سے 2010 تک اس کو اپ ڈیٹ کر کے مزید تجربات کئے گئے۔ اس میزائل کی رینج 750 سے 900 کلومیٹر ہے جسے مارچ 2003میں پاکستان آرمی کے حوالے کیا گیا ۔

شاہین ٹو میڈیم رینج بلیسٹک میزائل دراصل شاہین ون میزائل کا اپ گریڈ ورژن ہے جسے ابتدا میں شاہین ون میزائل کے ساتھ سیکنڈ سٹیج موٹر کے طور پر لگایا گیا تھا۔ سنہ 2000 میں منظر عام آنے والے اس میزائل کا پہلا تجربہ 2004 میں کیا گیا جب کہ آخری ٹریننگ لانچ تجربہ 2014 میں کیا گیا تھا ۔ اس کی رینج 1500 سے 2000 تک ہے۔

دفاعی میزائل نظام کی خریداری کے معاہدے پر دستخط کرنے کے بعد نریندری مودی اور روسی صدر ولادیمیر پوٹن کے مشترکہ بیان میں کہا گیا کہ وقت کے ساتھ ساتھ نئی دہلی اور ماسکو کے مابین تعلقات ’مضبوط سے مضبوط تر‘ ہوتے جا رہے ہیں۔ رواں برس دونوں رہنماؤں کے مابین یہ تیسری ملاقات تھی۔

زمین سے فضا میں مار کرنے والے روسی ساختہ S-400 نظام بلیسٹک میزائلوں کے خلاف شیلڈ کا کام دیتے ہیں۔ اپنی نوعیت کے لحاظ سے اسے دنیا کا زمین سے فضا میں مار کرنے والا لانگ رینج دفاعی نظام بھی تصور کیا جاتا ہے۔

بھارت یہ دفاعی میزائل چین اور اپنے روایتی حریف پاکستان کے خلاف خرید رہا ہے۔ یہ جدید ترین دفاعی میزائل سسٹم انتہائی وسیع رینج تک لڑاکا جنگی طیاروں، حتیٰ کہ اسٹیلتھ بمبار ہوائی جہازوں کو بھی نشانہ بنانے اور انہیں مار گرانے کی صلاحیت رکھتے ہیں۔

بھارت روس سے کریواک فور طرز کی بحری جنگی کشتیاں بھی خریدنا چاہتا ہے۔ اس طرح کا پہلا بحری جنگی جہاز روس سے تیار شدہ حالت میں خریدا جائے گا جب کہ باقی دونوں گوا کی جہاز گاہ میں تیار کیے جائیں گے۔ بھارت کے پاس پہلے بھی اسی طرح کے چھ بحری جہاز موجود ہیں۔

امریکا نے بھارت کو خبردار کرتے ہوئے کہا ہے کہ جو ممالک بھی روس کے ساتھ دفاع اور انٹیلیجنس کے شعبوں میں تجارت کریں گے، وہ امریکی قانون کے تحت پابندیوں کے زد میں آ سکتے ہیں۔ روس مخالف کاٹسا (CAATSA) نامی اس امریکی قانون پر صدر ڈونلڈ ٹرمپ نے گزشتہ برس اگست میں دستخط کیے تھے۔ یہ قانون امریکی انتخابات اور شام کی خانہ جنگی میں مداخلت کی وجہ سے صدر پوٹن کو سزا دینے کے لیے بنایا گیا تھا۔

سابق سوویت یونین کے دور میں بھارت کا اسّی فیصد اسلحہ روس کا فراہم کردہ ہوتا تھا لیکن سوویت یونین کے خاتمے کے بعد سے نئی دہلی حکومت اب مختلف ممالک سے ہتھیار خرید رہی ہے۔ امریکا کا شمار بھی بھارت کو ہتھیار فراہم کرنے والے بڑے ممالک میں ہوتا ہے۔ گزشتہ ایک عشرے کے دوران بھارت امریکا سے تقریباﹰ پندرہ ارب ڈالر مالیت کے دفاعی معاہدے کر چکا ہے۔

گزشتہ ماہ امریکا نے چین پر بھی اس وقت پابندیاں عائد کر دی تھیں، جب بیجنگ حکومت نے روس سے جنگی طیارے اور ایس چار سو طرز کے دفاعی میزائل خریدے تھے۔ امریکی انتظامیہ فی الحال بھارت کو بھی اس حوالے سے کوئی رعایت دینے پر تیار نظر نہیں آتی۔ تاہم نئی دہلی کو امید ہے کہ امریکا دنیا میں اسلحے کے بڑے خریداروں میں سے ایک کے طور پر بھارت کے ساتھ اپنے تعلقات خراب نہیں کرے گا۔